તૃણમૂલ કોંગ્રેસના સાંસદ મહુઆ મોઇત્રાએ લગ્ન કર્યા

તૃણમૂલ કોંગ્રેસ (TMC) ના સાંસદ મહુઆ મોઇત્રાએ લગ્ન કર્યા છે. તેમણે બીજુ જનતા દળના નેતા અને સાંસદ પિનાકી મિશ્રાને પોતાના જીવનસાથી બનાવ્યા છે, જોકે બંને તરફથી લગ્ન અંગે હજુ સુધી કોઈ સત્તાવાર માહિતી મળી નથી. અહેવાલોમાં દાવો કરવામાં આવ્યો છે કે મહુઆ અને પિનાકીએ જર્મનીમાં લગ્ન કર્યા છે. બંનેની એક તસવીર પણ સામે આવી છે.

'ધ ટેલિગ્રાફ' ના એક અહેવાલ મુજબ, મહુઆ અને પિનાકીએ જર્મનીમાં લગ્ન કર્યા છે. આ બાબતે TMC તરફથી હજુ સુધી કોઈ પ્રતિક્રિયા આવી નથી. મહુઆ તેના રાજકીય જીવન તેમજ તેના અંગત જીવનને કારણે સમાચારમાં રહી છે. મહુઆ અગાઉ ડેનિશ ફાઇનાન્સર લાર્સ બ્રોર્સન સાથેના સંબંધમાં હતી, પરંતુ તેમના લગ્ન લાંબા સમય સુધી ટકી શક્યા નહીં અને તેમના છૂટાછેડા થઈ ગયા.

આ પણ વાંચો--- રાહુલ ગાંધીના PM મોદીની વિદેશ નીતિ પર પ્રહાર, 'ટ્રમ્પના ઈશારાથી સીઝફાયર'

 

મહુઆ મોઇત્રા સાંસદ તરીકે તેમનો બીજો કાર્યકાળ પૂર્ણ કરી રહી છે. તેમણે 2019ની લોકસભા ચૂંટણીમાં પશ્ચિમ બંગાળની કૃષ્ણા નગર બેઠક પરથી ચૂંટણી લડી હતી. મહુઆએ આ ચૂંટણી જીતી હતી. તેમણે ભારતીય જનતા પાર્ટીના ઉમેદવાર કલ્યાણ ચૌબેને હરાવ્યા હતા. મહુઆ બીજી વખત તે જ બેઠક પરથી ચૂંટાયા હતા. આ વખતે તેમણે ભાજપના ઉમેદવાર અમૃતા રોયને હરાવ્યા હતા.

બીજુ જનતા દળના નેતા પિનાકી મિશ્રાની વાત કરીએ તો, તેઓ પુરીના સાંસદ છે. લોકસભાના ડેટા અનુસાર, પિનાકીના પહેલા લગ્ન સંગીતા મિશ્રા સાથે થયા હતા. પિનાકી અને સંગીતાના લગ્ન 16 જાન્યુઆરી 1984ના રોજ થયા હતા.

આ પણ વાંચો---- ઓપરેશન સિંદૂર મુદ્દે સંસદનું વિશેષ સત્ર બોલાવવાની વિપક્ષની માંગ, 16 પાર્ટીઓએ PM મોદીને લખ્યો પત્ર