રાહુલ ગાંધીએ કેન્દ્ર સરકાર પર કર્યા પ્રહાર

Rahul Gandhi on NEET Paper Leak :  દેશભરમાં પેપર લીકના મુદ્દે વિદ્યાર્થીઓમાં વધતા અસંતોષ વચ્ચે કોંગ્રેસના નેતા અને લોકસભાના વિપક્ષના નેતા રાહુલ ગાંધીએ કેન્દ્રની નરેન્દ્ર મોદી સરકાર પર આકરા પ્રહારો કર્યા છે. તેમણે આરોપ લગાવ્યો કે સરકાર વિરોધ પ્રદર્શન રોકવા માટે ઇન્ટરનેટ સેવા બંધ કરી શકે છે, મેટ્રો સેવા અટકાવી શકે છે, રસ્તાઓ સીલ કરી શકે છે અને પોલીસનો મોટાપાયે બંદોબસ્ત ગોઠવી શકે છે, પરંતુ દેશના યુવાનોના ભવિષ્ય સાથે જોડાયેલા પેપર લીક જેવા ગંભીર પ્રશ્નને રોકવામાં નિષ્ફળ ગઈ છે.રાહુલ ગાંધીએ પોતાના નિવેદનમાં કહ્યું કે દેશના લાખો વિદ્યાર્થીઓ વર્ષો સુધી મહેનત કરીને સ્પર્ધાત્મક પરીક્ષાઓની તૈયારી કરે છે, પરંતુ વારંવાર થતા પેપર લીકના બનાવો તેમના સપનાઓને તોડી નાખે છે. તેમણે આ સમગ્ર મુદ્દાને માત્ર પરીક્ષા વ્યવસ્થાની ખામી નહીં પરંતુ યુવાનોના ભવિષ્ય સાથે થયેલો અન્યાય ગણાવ્યો.

 

#WATCH | LoP, Lok Sabha, Rahul Gandhi says, "...Students have three demands, and these are not negotiable demands... The first demand is that the Education Minister, who is corrupt, incompetent, and misaligned, has to be sacked... There's some talk going on in Mr. Modi's cabinet… pic.twitter.com/hKoXOQ4SSz

— ANI (@ANI) July 25, 2026

 

રાહુલ ગાંધીનો સરકાર પર સીધો પ્રહાર 
રાહુલ ગાંધીએ જણાવ્યું કે જ્યારે વિદ્યાર્થીઓ પોતાના હક માટે રસ્તા પર ઉતરે છે ત્યારે સરકાર સૌથી પહેલા ઇન્ટરનેટ સેવાઓ બંધ કરે છે, અનેક વિસ્તારોમાં મેટ્રો સ્ટેશનો બંધ કરવામાં આવે છે, રસ્તાઓ પર બેરિકેડ્સ લગાવવામાં આવે છે અને ભારે પોલીસ બંદોબસ્ત ગોઠવવામાં આવે છે. પરંતુ જ્યારે પરીક્ષાના પ્રશ્નપત્રો લીક થાય છે ત્યારે જવાબદારો સામે કડક કાર્યવાહી કરવામાં સરકાર નિષ્ફળ રહે છે.તેમણે કહ્યું કે સરકાર પાસે વિરોધ દબાવવા માટે દરેક પ્રકારની વ્યવસ્થા છે, પરંતુ ભરતી પરીક્ષાઓ પારદર્શક રીતે યોજાય તેની ખાતરી કરવા માટે પૂરતી ઇચ્છાશક્તિ દેખાતી નથી.

શિક્ષણ મંત્રીના રાજીનામા વગર કોઈ સમાધાન નહીં
NEET પેપર લીક વિવાદના કારણે સમગ્ર દેશના રાજકારણમાં ભારે ગરમાવો જોવા મળી રહ્યો છે. શનિવારે આયોજિત પત્રકાર પરિષદમાં રાહુલ ગાંધી તે વિદ્યાર્થીઓને પોતાની સાથે લાવ્યા હતા જેમણે સામાજિક કાર્યકર્તા સોનમ વાંગચુક સાથે ઉપવાસ કર્યા હતા. વિપક્ષના નેતાએ આરોપ લગાવ્યો કે કેબિનેટમાં ધર્મેન્દ્ર પ્રધાનનું ખાતું બદલીને તેમને બીજા મંત્રાલયમાં મોકલવાની ચર્ચા ચાલી રહી છે, પરંતુ દેશના વિદ્યાર્થીઓને આ મંજૂર નથી. પ્રધાન ભ્રષ્ટાચાર અને દેશના બાળકોના ભવિષ્યની બરબાદીના પ્રતીક છે, તેથી તેમને મંત્રીમંડળમાંથી સંપૂર્ણપણે બહાર કરવા જ પડશે.

પેપર લીક દેશની સૌથી મોટી સમસ્યાઓમાંની એક
રાહુલ ગાંધીએ કહ્યું કે છેલ્લા કેટલાક વર્ષોમાં વિવિધ રાજ્યો તેમજ કેન્દ્ર સ્તરની અનેક ભરતી પરીક્ષાઓમાં પેપર લીકના આક્ષેપો સામે આવ્યા છે.જેના કારણે લાખો ઉમેદવારોને ફરીથી પરીક્ષા આપવી પડી છે અથવા પરિણામો અટકી ગયા છે.તેમણે કહ્યું કે એક પરીક્ષા માટે વિદ્યાર્થી બે-ત્રણ વર્ષ સુધી મહેનત કરે છે, કોચિંગમાં લાખો રૂપિયા ખર્ચે છે અને પરિવાર અનેક આશાઓ રાખે છે. આવી સ્થિતિમાં પેપર લીક થવાથી માત્ર પરીક્ષા નહીં પરંતુ સમગ્ર પરિવારના સપનાઓ પર પાણી ફરી વળે છે.

કોંગ્રેસના નેતાએ જણાવ્યું કે દેશના યુવાનો રોજગારની અછત, ભરતીમાં વિલંબ અને પેપર લીક જેવી સમસ્યાઓથી પહેલેથી જ પરેશાન છે. આવી સ્થિતિમાં સરકાર જો અસરકારક પગલાં નહીં ભરે તો યુવાનોમાં અસંતોષ વધતો જશે.તેમણે સરકારને અપીલ કરી કે ભરતી પ્રક્રિયાને સંપૂર્ણ પારદર્શક બનાવવી જોઈએ અને પ્રશ્નપત્ર લીક કરનાર ગેંગ સામે કડક કાયદેસર કાર્યવાહી કરવી જોઈએ.

પેલેટ ગનના ઉપયોગનો આરોપ
પેલેટ ગનનો ઉપયોગ: વિરોધ કરી રહેલા વિદ્યાર્થીઓ પર પેલેટ ગન અને છરરા છોડવામાં આવ્યા છે,જેમાં એક યુવકની આંખમાં ગંભીર ઈજા થઈ છે.
દીકરીઓ પર હુમલો: દિલ્હી પોલીસે નિર્દોષ વિદ્યાર્થિનીઓ પર પણ બળપ્રયોગ કર્યો છે.
જવાબદારી નક્કી કરો: સરકારે હિંસક આદેશ આપનારા વહીવટી તંત્ર અને દોષિત પોલીસકર્મીઓ સામે કડક કાર્યવાહી કરવી જોઈએ.

પીએમ મોદીએ વિદ્યાર્થીઓની માફી માંગવી જોઈએ
રાહુલ ગાંધીએ સરકાર સામે ૩ મુખ્ય માંગણીઓ રજૂ કરી છે, જેમાં વડાપ્રધાન નરેન્દ્ર મોદીએ દેશ સામે આવીને માફી માંગવી જોઈએ તે મહત્વની શરત છે.ભારત સરકારની આખી તાકાત લગાવી દેવામાં આવે તો પણ કોઈ વિદ્યાર્થીઓને પ્રદર્શન સ્થળેથી હટાવી શકશે નહીં. ડરવાની કોઈ જરૂર નથી.વિદ્યાર્થીઓ ભારતનું ભવિષ્ય છે અને કોઈ તેમની સામે જીતી શકતું નથી. નરેન્દ્ર મોદી ભારતનું ભૂતકાળ છે, અને ભૂતકાળ ક્યારેય ભવિષ્ય સાથે લડી શકે નહીં.

હવે હુકમ નહીં ચાલે,નવી પેઢી પ્રશ્નો પૂછશે જ : RSS પ્રમુખ મોહન ભાગવત
મોહન ભાગવતે કહ્યું કે, અગાઉની પેઢીમાં બાળકો મોટા ભાગે વડીલોના આદેશનું પાલન કરતા હતા, પરંતુ આજની પરિસ્થિતિ સંપૂર્ણપણે બદલાઈ ગઈ છે.તેમણે જણાવ્યું કે આજનો યુવાવર્ગ દરેક વાતને તર્કના આધારે સમજવા માંગે છે.તેઓ કોઈપણ નિર્ણય અથવા પરંપરાને અંધપણે સ્વીકારતા નથી,પરંતુ તેના પાછળનું કારણ જાણવા ઈચ્છે છે.તેથી માતા-પિતા અને સમાજે પણ પોતાના અભિગમમાં પરિવર્તન લાવવું પડશે.તેમના શબ્દોમાં,હવે આજ્ઞાપાલનનો સમય નથી.નવી પેઢી પ્રશ્નો પૂછશે જ,તેથી તેમને યોગ્ય કારણ અને તર્ક સાથે સમજાવવું પડશે.