નીતિશ કુમારની ચૂંટણીલક્ષી જાહેરાત, પેન્શનની રકમમાં કરાયો વધારો

બિહારના મુખ્યમંત્રી નીતિશ કુમારે ચૂંટણી 2025 પહેલા એક મોટી જાહેરાત કરી છે. આ ચૂંટણીલક્ષી જાહેરાતથી નીતિશ કુમારને ફાયદો થઈ શકે તેવા ઇરાદા સાથે જાહેર કરવામાં આવી છે. ચૂંટણી પંચે હજુ સુધી બિહારમાં ચૂંટણીની તારીખો જાહેર કરી નથી. આ વર્ષે ઓક્ટોબર અને નવેમ્બર વચ્ચે ચૂંટણી યોજાવાની શક્યતા છે. 

પેન્શન રકમમાં વધારો: 

ચૂંટણીલક્ષી જાહેરાતની તારીખ 21 જૂને નીતિશ કુમારે 21 જૂને એકાઉન્ટ X ઉપર માહિતી આપી હતી. નીતિશ કુમારે પેન્શનની રકમમાં વધારો કર્યો છે. સામાજિક સુરક્ષા પેન્શન યોજના હેઠળ આપતા પેન્શનની રકમમાં વધારો કરવામાં આવ્યો છે. આ પેન્શન વધારો વૃધ્ધજનો, દિવ્યાંગજનો અને વિધવા મહિલાઓ માટે લાગૂ પડશે. અગાઉ દર મહિને આપતા રૂ.400ની જગ્યાએ હવે રૂ. 1000 પેન્શન આપશે. 

બધા લાભાર્થીઓને જુલાઇ માસથી પેન્શન વધારાનો લાભ મળશે. આ પેન્શન વધારાનું ચૂકવણું લાભાર્થીઓને તેમના બેન્ક ખાતામાં મળશે. દર મહિનાની 10 તારીખે લાભાર્થીઓ પેન્શનની રકમ સુનિશ્ચિત રીતે મેળવી શકાશે. આ યોજનાનો લાભ 1 કરોડ 9 લાખ 69 હજાર 255 લાભાર્થીઓને મળશે.