Sukhbir Singh Badal Attack: મહારાષ્ટ્રના નાંદેડમાં શિરોમણી અકાલી દળના વરિષ્ઠ નેતા અને પંજાબના પૂર્વ નાયબ મુખ્યમંત્રી સુખબીર સિંહ બાદલ પર હુમલાની ઘટના સામે આવી છે. 13 ઓગસ્ટે સવારે માતા સાહિબ કૌર ગુરુદ્વારા પરિસરમાં એક નિહંગે કિરપાન વડે સુખબીર બાદલ પર હુમલો કર્યો હતો. હુમલામાં તેમના જમણા હાથમાં ઈજા થઈ હતી. સુરક્ષા કર્મચારીઓએ તાત્કાલિક હુમલાખોરને પકડી લીધો હતો.
નાંદેડના ગુરુદ્વારામાં સુખબીર બાદલ પર હુમલો મળતી માહિતી મુજબ, સુખબીર સિંહ બાદલ તેમની પત્ની અને અકાલી દળના સાંસદ હરસિમરત કૌર બાદલ સાથે નાંદેડના તખ્ત શ્રી હઝુર સાહિબ અને માતા સાહિબ કૌર ગુરુદ્વારાની મુલાકાતે ગયા હતા. આ દરમિયાન એક વ્યક્તિ અચાનક ગુરુદ્વારા પરિસરમાં પહોંચ્યો અને કિરપાન વડે સુખબીર બાદલ પર હુમલો કર્યો હતો. હુમલામાં બાદલના જમણા હાથમાં ઈજા થઈ હતી. સુરક્ષા કર્મચારીઓએ તાત્કાલિક કાર્યવાહી કરીને હુમલાખોરને કાબૂમાં લીધો હતો. બાદમાં તેને નાંદેડ પોલીસને સોંપવામાં આવ્યો હતો.
&nbsp;
<blockquote class="twitter-tweet" data-media-max-width="560">
પંજાબના પૂર્વ ડેપ્યુટી CM સુખબીર સિંહ બાદલ પર જીવલેણ હુમલો<a href="https://x.com/hashtag/SukhbirSinghBadal?src=hash&amp;ref_src=twsrc%5Etfw">#SukhbirSinghBadal</a> <a href="https://x.com/hashtag/PunjabNews?src=hash&amp;ref_src=twsrc%5Etfw">#PunjabNews</a> <a href="https://x.com/hashtag/Amritsar?src=hash&amp;ref_src=twsrc%5Etfw">#Amritsar</a> <a href="https://x.com/hashtag/BreakingNews?src=hash&amp;ref_src=twsrc%5Etfw">#BreakingNews</a> <a href="https://x.com/hashtag/Punjab?src=hash&amp;ref_src=twsrc%5Etfw">#Punjab</a> <a href="https://x.com/hashtag/LatestNews?src=hash&amp;ref_src=twsrc%5Etfw">#LatestNews</a> <a href="https://x.com/hashtag/IndiaNews?src=hash&amp;ref_src=twsrc%5Etfw">#IndiaNews</a> <a href="https://x.com/hashtag/Attack?src=hash&amp;ref_src=twsrc%5Etfw">#Attack</a> <a href="https://x.com/hashtag/NewsUpdate?src=hash&amp;ref_src=twsrc%5Etfw">#NewsUpdate</a> <a href="https://x.com/hashtag/Benefitnews24?src=hash&amp;ref_src=twsrc%5Etfw">#Benefitnews24</a> <a href="https://t.co/cQply13MUU">pic.twitter.com/cQply13MUU</a>
&mdash; Benefit News 24 (@BenefitNews24) <a href="https://x.com/BenefitNews24/status/2087859819558691126?ref_src=twsrc%5Etfw">August 13, 2026</a></blockquote>
<script src="https://platform.x.com/widgets.js" async="" charset="utf-8"></script>
&nbsp;
Z+ સુરક્ષા વચ્ચે હુમલો, સુરક્ષા વ્યવસ્થા પર સવાલ સુખબીર બાદલને Z+ સુરક્ષા આપવામાં આવી હોવા છતાં ગુરુદ્વારા પરિસરમાં હુમલો થતાં સુરક્ષા વ્યવસ્થાને લઈને સવાલો ઊભા થયા છે. નાંદેડના જિલ્લા તંત્ર અને પોલીસ અધિકારીઓએ ઘટનાની ગંભીર નોંધ લીધી છે. હુમલાખોરને રોકવાના પ્રયાસ દરમિયાન એક પોલીસ ઈન્સ્પેક્ટર અને સુરક્ષા ગાર્ડને પણ સામાન્ય ઈજાઓ થઈ હોવાનું સામે આવ્યું છે. ઘટનાનો વીડિયો પણ સોશિયલ મીડિયા પર વાયરલ થયો છે, જેમાં સુખબીર બાદલ સુરક્ષા કર્મચારીઓની વચ્ચે હોસ્પિટલ તરફ જતા જોવા મળે છે.
હુમલાખોરની ઓળખ જસપાલ સિંહ તરીકે થઈ પોલીસના જણાવ્યા અનુસાર, હુમલો કરનારની ઓળખ જસપાલ સિંહ તરીકે થઈ છે. આરોપી છેલ્લા કેટલાક સમયથી નાંદેડના ગુરુદ્વારામાં સેવાદાર તરીકે કામ કરતો હોવાનું પ્રાથમિક તપાસમાં સામે આવ્યું છે. પોલીસે આરોપીની ધરપકડ કરી તેની પૂછપરછ શરૂ કરી છે. હુમલા પાછળનું ચોક્કસ કારણ શું હતું, કોઈ પૂર્વયોજિત કાવતરું હતું કે નહીં અને આરોપી સાથે અન્ય કોઈ વ્યક્તિ સંકળાયેલી છે કે નહીં, તે અંગે તપાસ ચાલી રહી છે.
મુખ્યમંત્રી દેવેન્દ્ર ફડણવીસે તપાસના આપ્યા આદેશ ઘટનાની જાણ થતાં મહારાષ્ટ્રના મુખ્યમંત્રી દેવેન્દ્ર ફડણવીસે નાંદેડના પોલીસ અધિક્ષક અને જિલ્લા કલેક્ટર પાસેથી સમગ્ર ઘટનાની માહિતી મેળવી હતી. મુખ્યમંત્રીએ હુમલા પાછળના કારણ અને સુરક્ષા વ્યવસ્થાની વિગતવાર તપાસ કરવાનો આદેશ આપ્યો છે. ફડણવીસે સુખબીર બાદલ સાથે ફોન પર વાતચીત કરીને તેમના સ્વાસ્થ્ય અંગે પણ માહિતી મેળવી હતી. હાલ બાદલની તબિયત સ્થિર હોવાનું જણાવવામાં આવ્યું છે.
અકાલી દળે હુમલાને ગણાવી ગંભીર સુરક્ષા ચૂક શિરોમણી અકાલી દળે સુખબીર બાદલ પર થયેલા હુમલાની આકરી નિંદા કરી છે. પાર્ટીના નેતાઓએ Z+ સુરક્ષા ધરાવતા નેતા પર ગુરુદ્વારા જેવા સંવેદનશીલ સ્થળે હુમલો થવાને ગંભીર સુરક્ષા ચૂક ગણાવી છે. પાર્ટી તરફથી આ હુમલાને પંજાબ અને પંજાબીયતના નેતા પરનો હુમલો ગણાવી સમગ્ર ઘટનાની નિષ્પક્ષ અને ઊંડાણપૂર્વક તપાસની માંગ કરવામાં આવી છે.
2024માં સુવર્ણ મંદિર બહાર પણ થયો હતો હુમલાનો પ્રયાસ સુખબીર સિંહ બાદલ અગાઉ પણ હુમલાનો સામનો કરી ચૂક્યા છે. ડિસેમ્બર 2024માં અમૃતસરના સુવર્ણ મંદિર બહાર સેવા દરમિયાન નારાયણ સિંહ ચૌરા નામના વ્યક્તિએ તેમના પર ગોળીબાર કરવાનો પ્રયાસ કર્યો હતો. જોકે, તે સમયે તેઓ બચી ગયા હતા અને હુમલાખોરને ઝડપી લેવામાં આવ્યો હતો. હવે નાંદેડમાં ફરી સુખબીર બાદલને નિશાન બનાવવામાં આવતા સુરક્ષા એજન્સીઓ પણ એલર્ટ થઈ ગઈ છે. પોલીસ હવે હુમલાના હેતુથી લઈને આરોપીના સંપર્કો અને સંભવિત કાવતરાની કડીઓ શોધી રહી છે.

Z+ સુરક્ષા વચ્ચે ચકચાર, નિહંગ જસપાલ સિંહ ઝડપાયો

August 13, 2026 | 16:43 IST