સરકારી કાર પર હવે નહીં ચાલે મનમાની

One officer one official car policy India: દેશમાં વર્ષોથી સરકારી અધિકારીઓ અને ઉચ્ચ હોદ્દા ધરાવતા કર્મચારીઓ માટે સરકારી વાહનો,ડ્રાઇવર,ઓફિસ સ્ટાફ અને અન્ય સુવિધાઓનો ઉપયોગ ચર્ચાનો વિષય રહ્યો છે. ઘણી વખત એક જ અધિકારી માટે અનેક સરકારી વાહનો,અલગ-અલગ કામ માટે અલગ ડ્રાઇવર અને સરકારી સંપત્તિનો વ્યક્તિગત ઉપયોગ થતો હોવાના આરોપો પણ સામે આવતા રહ્યા છે.હવે કેન્દ્ર સરકારે આવા VIP કલ્ચર પર કડક વલણ અપનાવી મહત્વપૂર્ણ નિર્ણય લીધો છે.કેન્દ્ર સરકાર દ્વારા તમામ મંત્રાલયો,વિભાગો અને સરકારી સંસ્થાઓને સ્પષ્ટ સૂચના આપવામાં આવી છે કે અધિકારીઓ માટે સરકારી વાહનોનો ઉપયોગ મર્યાદિત રાખવામાં આવે અને 'એક ઓફિસર, એક કાર'ના સિદ્ધાંતનું કડક પાલન કરવામાં આવે. સરકારનો હેતુ સરકારી ખર્ચમાં ઘટાડો, પારદર્શિતા વધારવી અને સરકારી સંપત્તિનો યોગ્ય ઉપયોગ સુનિશ્ચિત કરવાનો છે.

VIP કલ્ચર સામે સરકારનું કડક વલણ
છેલ્લા કેટલાક વર્ષોમાં કેન્દ્ર સરકારે સરકારી ખર્ચ ઘટાડવા અને વહીવટી સુધારાઓ માટે અનેક પગલાં લીધા છે.ડિજિટલ ગવર્નન્સ,ઈ-ઓફિસ,ઓનલાઈન ફાઈલ સિસ્ટમ અને ખર્ચ નિયંત્રણ બાદ હવે સરકારી વાહનોના ઉપયોગ પર પણ ધ્યાન કેન્દ્રિત કરવામાં આવ્યું છે.ઘણા વિભાગોમાં જોવા મળતું હતું કે એક જ અધિકારી પાસે બે કે ત્રણ સરકારી વાહનો ઉપલબ્ધ રહેતા હતા. કેટલીક જગ્યાએ અધિકારીઓ પોતાના પરિવારના ઉપયોગ માટે પણ સરકારી વાહનોનો ઉપયોગ કરતા હોવાની ફરિયાદો મળી હતી.નવી વ્યવસ્થા હેઠળ આવા દુરુપયોગને રોકવાનો પ્રયાસ કરવામાં આવ્યો છે.

નવો નિયમ શું છે?
નવી માર્ગદર્શિકા અનુસાર દરેક અધિકારીને માત્ર એક જ સરકારી વાહન ફાળવવામાં આવશે.એક અધિકારીને માત્ર એક સત્તાવાર કાર.વધારાના વાહનોની ફાળવણી પર નિયંત્રણ.સરકારી વાહનનો વ્યક્તિગત ઉપયોગ નહીં.જરૂરિયાત મુજબ વાહનોનું સંયુક્ત (Pool Vehicle) સંચાલન.દરેક વાહનનો ઉપયોગ ડિજિટલ રીતે નોંધાશે.

તમામ મંત્રાલયો અને વિભાગોને અપાયા કડક નિર્દેશ
કેન્દ્ર સરકારે તમામ મંત્રાલયો અને વિભાગોને આ નવી નીતિનું કડક પાલન કરવાની સૂચના આપી છે. સાથે જ જે સરકારી વાહનોનો ઉપયોગ હાલમાં થઈ રહ્યો નથી, તે વાહનોને સુરક્ષિત સ્થળે રાખવા અને તેનો બિનજરૂરી ઉપયોગ અટકાવવા પણ જણાવાયું છે. સરકારનું માનવું છે કે સરકારી સંપત્તિનો ઉપયોગ માત્ર જરૂરિયાત મુજબ જ થવો જોઈએ. જે વાહનોનો ઉપયોગ થતો નથી, તેમના જાળવણી અને અન્ય ખર્ચ પર પણ નિયંત્રણ રાખવું જરૂરી છે.

2022ની માર્ગદર્શિકાને વધુ અસરકારક બનાવવાનો પ્રયાસ
ખર્ચ વિભાગે જણાવ્યું છે કે, સપ્ટેમ્બર 2022માં સરકારી વાહનોના ઉપયોગ અંગે કેટલીક માર્ગદર્શિકાઓ બહાર પાડવામાં આવી હતી.હવે નવી ઓફિસ મેમોરેન્ડમ દ્વારા તે જ નિયમોને વધુ સ્પષ્ટ અને અસરકારક રીતે સમગ્ર કેન્દ્ર સરકારના વહીવટી માળખામાં અમલમાં મૂકવાનો પ્રયાસ કરવામાં આવ્યો છે. આ માટે તમામ કેન્દ્રીય મંત્રાલયો અને વિભાગોને સત્તાવાર રીતે નવા આદેશની નકલ મોકલી આપવામાં આવી છે.

સરકારે શા માટે લીધો આ નિર્ણય?
સંસાધનોનો વિવેકપૂર્ણ ઉપયોગ આ નીતિનો હેતુ સરકારી સંસાધનોનો યોગ્ય ઉપયોગ સુનિશ્ચિત કરવાનો છે.ખર્ચમાં ઘટાડો વાહનોના બેવડા ફાળવણીને અટકાવવાથી ઇંધણ અને જાળવણી પર થતો બિનજરૂરી ખર્ચ ઘટશે.જવાબદારી અને પારદર્શિતા આનાથી પ્રશાસનિક કાર્યપ્રળાલી  વધુ પારદર્શક બનશે અને નાણાકીય અનુશાસન મજબૂત થશે.