હું પોતે નાર્કો ટેસ્ટ કરવા તૈયાર છું, દિલીપ સંઘાણીના લેટરબોમ્બથી ખળભળાટ

રાજ્યભરમાં ચકચાર જગાવનારા અમરેલી લેટર કાંડ મામલે દિલીપ સંઘાણી મેદાનમાં આવ્યા છે અને તેમણે સમગ્ર મામલાની હાઇકોર્ટના નિવૃત્ત જજ સમક્ષ તપાસ કરાવાની માગ સાથે મુખ્યમંત્રી ભૂપેન્દ્ર પટેલને પત્ર લખ્યો છે. દિલીપ સંઘાણીના પત્રથી અમરેલી ભાજપમાં ચાલતો જૂથવાદ બહાર આવ્યો છે તો સાથે સાથે ગુજરાત ભાજપમાં પણ ભૂકંપ સર્જાયો છે.

દિલીપ સંઘાણીએ  મુખ્યમંત્રી ભૂપેન્દ્ર પટેલને પત્ર લખી  અમરેલી લેટરકાંડની તપાસની માંગ કરી છે. હાઇકોર્ટના નિવૃત્ત જજ પાસે તપાસની માગ કરી છે.દિલીપ સંઘાણીએ પોતે પણ નાર્કો ટેસ્ટની તૈયારી બતાવી છે અને  ફરિયાદી સહિત કેસને સંલગ્ન લોકોના નાર્કો ટેસ્ટની માગ કરી છે. પોલીસનું કૃત્ય રાજકારણ પ્રેરિત હોવાનો આરોપ દિલીપ સંઘાણીએ લગાવ્યો હતો. 

 

 

 

દિલીપ સંઘાણીએ મુખ્યમંત્રી ભૂપેંદ્ર પટેલને જે પત્ર લખ્યો તેમાં લખ્યું છે કે, અમરેલીના તાજેતરના બનાવ અંગે ઈલેક્ટ્રોનિક્સ તથા પ્રિન્ટ મીડીયાના અહેવાલથી મને જાણ થયેલ કે અમરેલી તાલુકા પંચાયતના પ્રમુખ શ્રી કીશોરભાઈ કાનપરીયા દ્વારા પોલીસમાં ફરિયાદ દાખલ કરેલ તેમાં અમેરેલી પોલીસ દ્વારા અમેરલી તાલુકા ભાજપના પૂર્વ પ્રમુખ શ્રી મનિષભાઈ વઘાશીયા, એક મહિલા સહિત કૂલ 4 વ્યક્તિની ધરપકડ કરેલ હતી અને જ્યારે તેઓ પોલીસ કસ્ટડીમાં હતા ત્યારે તેઓને માર મારી કિશોરભાઈ કાનપરીયાના કહેવાતા આ પત્ર લખાવવા માટે મારુ તથા અન્ય ભાજપા આગેવાનના નામ આપવા દબાણ કરેલ તેવી હકીકત મનિષભાઈ વઘાશીયાએ પ્રેસ કોન્ફરન્સમાં જણાવેલ જે મેં મીડિયાના માધ્યમથી જોયેલ. જે અત્યંત ગંભીર બાબત કહી શકાય. અમેરીલ પોલીસે પોતાની જાતે, પોલીસના કોઈ ઉચ્ચ અધિકારી અથવા તો કોઈ રાજકીય પદાધિકારીના કહેવાથી આ કાર્યવાહી કરેલ હોઈ શકે તેમ મારુ માનવુ છે. વધુમાં, કોઈ સામાન્ય વ્યક્તિના ઈશારે પોલીસ આ પ્રકારનું કૃત્ય ન જ કરે. 

આ કેસમાં કહેવાતા સાચા કે ખોટા પત્ર સાથે મારે કોઈ લેવા દેવા નથી. આ બાબતે સત્યતા બહાર લાવવા મારે હું પોતે નાર્કો ટેસ્ટ કરવા તૈયાર છું, તેમજ ફરિયાદી અને આ કેસ સાથે જોડાયેલા અન્ય 2-4 વ્યક્તિના પણ નાર્કો ટેસ્ટ થવા જોઈએ જેથી વાસ્તવિક હકીકત સુધી પહોંચવામાં સરળતા રહે. 

સરકાર પોલીસની ગેરકાયદેસર રાત્રે મહિલાની ધરપકડ છાવરે છે તે હકીકત ખોટી છે. સરકાર સત્ય બહાર લાવવા તમામ પ્રકારની કાનૂની કાર્યવાહી કરાવી રહી છે તે હકીકતને લોકોને પ્રતીતિ કરાવવી જરુરી છે. જે ગંભીરતાને જોતા આ કેસની તપાસ હાઈકોર્ટના સીટિંગ અથવા નિવૃત જજ દ્વારા તપાસ કરવામાં આવે તેવી મારી માંગણી છે.