BJP MP રાજીવ પ્રતાપ રૂડી અને નિશિકાંત દુબે સામસામે

દિલ્હી કોન્સ્ટિટ્યુશન ક્લબની ચૂંટણીનો વિવાદ શમવાનું નામ લેતો નથી. ભાજપના સાંસદ રાજીવ પ્રતાપ રૂડીએ ભાજપના સાંસદ નિશિકાંત દુબે પર મોટો હુમલો કર્યો છે. તેમણે નિશિકાંત દુબેને ઘમંડી કહ્યા છે. એટલું જ નહીં, રાજીવ પ્રતાપ રૂડીએ કહ્યું કે, સંસદમાં સરકાર સિવાય, નિશિકાંત દુબે પોતાની સરકાર ચલાવે છે. પણ હું તેમની સરકારનો ભાગ નથી. હું સ્વતંત્ર છું.

ભાજપ સાંસદ રાજીવ પ્રતાપ રૂડીએ સાથી સાંસદ નિશિકાંત દુબે પર આકરા પ્રહાર કર્યા છે. નિશિકાંત દુબેને ઘમંડી કહીને તેમણે એમ પણ કહ્યું હતું કે, સંસદમાં સરકાર સિવાય, નિશિકાંત દુબે પોતાની સરકાર ચલાવે છે. પણ હું તેમની સરકારનો ભાગ નથી. હું સ્વતંત્ર છું.

રાજીવ પ્રતાપ રૂડીએ એક વીડિયો ઇન્ટરવ્યુમાં આ વાતો કહી છે. આ ઇન્ટરવ્યુમાં રૂડીને દિલ્હી કોન્સ્ટિટ્યુશન ક્લબની ચૂંટણી અંગે પ્રશ્નો પૂછવામાં આવ્યા હતા. જેના જવાબમાં ભાજપના સાંસદે કહ્યું કે નિશિકાંત દુબે સંસદ પોતાના દમ પર ચલાવવા માંગે છે. દિલ્હી કોન્સ્ટિટ્યુશન ક્લબની ચૂંટણીમાં નિશિકાંત દુબે ભાજપના સંજીવ બાલિયાન માટે પ્રચાર કરી રહ્યા હતા, જેઓ રૂડી સામે ઉભા હતા.

રાજીવ પ્રતાપ રૂડીને દિલ્હી કોન્સ્ટિટ્યુશન ક્લબની ચૂંટણી અંગે પ્રશ્નો પૂછવામાં આવી રહ્યા હતા. તેમાં તેમને પૂછવામાં આવ્યું કે, ચૂંટણીમાં તેમની પોતાની પાર્ટી ભાજપ તેમની વિરુદ્ધ હતી. તેમને આગળ પૂછવામાં આવ્યું કે, શું ગૃહમંત્રી અમિત શાહે તેમની વિરુદ્ધ પ્રચાર કર્યો હતો? તેના જવાબમાં, રાજીવ પ્રતાપ રૂડીએ કહ્યું કે, આ ખોટી માહિતી એક વ્યક્તિ દ્વારા ફેલાવવામાં આવી હતી. જે વિચારે છે કે તેઓ સાંસદ તરીકે સંસદને નિયંત્રિત કરે છે. તેઓ સંસદમાં આવા શો ચલાવે છે. આ વ્યક્તિએ જ આ મામલે ગૃહમંત્રીનું નામ ઉઠાવ્યું હતું. તેના પર ઇન્ટરવ્યુ લેનાર રૂડીને પૂછે છે કે શું તમે નિશિકાંત દુબે વિશે વાત કરી રહ્યા છો. તેનો જવાબ આપતાં રૂડી કહે છે કે તમને કેવી રીતે ખબર પડી કે હું દુબે વિશે વાત કરી રહ્યો છું? પછી તે કહે છે કે મને લાગે છે કે તમે સાચા છો.

રાજીવ પ્રતાપ રૂડી આગળ કહે છે કે, ક્યારેક કેટલાક લોકો ઘમંડી બની જાય છે. પછી તેમને પૂછવામાં આવે છે કે તેઓ એક સાથી સાંસદ છે અને તમારા પક્ષના છે. તેના પર રૂડી કહે છે કે તેઓ સંસદમાં શો ચલાવે છે. તેઓ આ દાવો કરે છે. તેમણે નક્કી કર્યું હતું કે હું દિલ્હી કોન્સ્ટિટ્યુશન ક્લબની ચૂંટણી ન જીતું. વધુમાં, રૂડીને પૂછવામાં આવે છે કે નિશિકાંત દુબેને તમારી સાથે શું સમસ્યા છે? તેના જવાબમાં, ભાજપના સાંસદ કહે છે કે તેમની સમસ્યા એ છે કે તેઓ શો ચલાવવા માંગે છે. સરકાર ઉપરાંત, તેઓ પોતે એક સરકાર છે અને હું તેમની સરકારનો ભાગ નથી.

રૂડીએ વધુમાં કહ્યું કે, દિલ્હી કોન્સ્ટિટ્યુશન ક્લબની ચૂંટણીમાં તેમને અમિત શાહ અને જેપી નડ્ડાનો સંપૂર્ણ ટેકો હતો. તેમણે કહ્યું કે, તેમની સામે ઉમેદવાર ઉભા રાખીને ખોટી રીતે વિવાદ ઉભો કરવાનો પ્રયાસ કરવામાં આવ્યો હતો. તેની પાછળ નિશિકાંત દુબેનો હાથ હતો.

સમગ્ર રાજકારણ મને દૂર કરવા માટે હતુઃ રૂડી

રુડીએ કહ્યું કે, આ વખતે તેમના વિરોધી સંજીવ બાલિયન પણ ચૂંટણી લડ્યા હતા. પરંતુ તેમનું નામાંકન પણ સમસ્યાઓથી ભરેલું હતું. તેમણે આરોપ લગાવ્યો કે, આખી રણનીતિ ફક્ત તેમને દૂર કરવા માટે હતી. ક્લબના વિકાસ માટે નહીં. તેમણે ભાર મૂકતાં કહ્યું કે, તેમની વિરુદ્ધ ચલાવવામાં આવેલું અભિયાન સંપૂર્ણપણે ખોટું અને અન્યાયી હતું. અંતમાં તેમણે કહ્યું કે તેઓ પોતે આગામી ચૂંટણી લડશે નહીં. કારણકે ચૂંટણી પ્રક્રિયાએ નવા ધોરણો સ્થાપિત કર્યા છે. જ્યાં ઉમેદવારો કરોડો રૂપિયા ખર્ચ કરીને મેદાનમાં ઉતરે છે.

અન્ય પક્ષોના સાંસદોએ પણ મને મત આપ્યો

રુડીએ કહ્યું કે, આ વખતે ચૂંટણી સામાન્ય નહોતી. દેશભરના રાજકીય પક્ષોના સાંસદો તેમના સમર્થનમાં આવ્યા હતા. DMK, AIADMK, કોમ્યુનિસ્ટ પાર્ટી, સમાજવાદી પાર્ટી, સમાજવાદી પાર્ટી, TMC, આમ આદમી પાર્ટી, કોંગ્રેસ અને ભાજપ સહિત તમામ પક્ષોના સાંસદોએ તેમને મત આપ્યો હતો.

રૂડીના નિવેદનથી ભાજપમાં જૂથવાદના સંકેત

ભાજપ સામાન્ય રીતે સંગઠનાત્મક શિસ્ત અને આંતરિક એકતા માટે જાણીતો પક્ષ છે. પરંતુ રૂડી અને દુબે વચ્ચેનો જાહેર મુકાબલો પાર્ટીમાં અસંતોષ અને જૂથવાદના નવા સંકેતો આપી રહ્યો છે. રાજકીય વિશ્લેષકો માને છે કે, જો આ વિવાદનો સમયસર ઉકેલ નહીં આવે તો તે માત્ર ઝારખંડના રાજકારણને જ નહીં પરંતુ રાષ્ટ્રીય સ્તરે પાર્ટીની છબીને પણ અસર કરી શકે છે.

હાલમાં બધાની નજર નિશિકાંત દુબે પર છે કે તેઓ આ આરોપનો કેવી રીતે જવાબ આપે છે. દુબે સ્પષ્ટ વક્તા માટે જાણીતા છે. તેથી તેમના બદલાની શક્યતા પણ પ્રબળ છે. આ વિવાદ ભાજપ નેતૃત્વ માટે માથાનો દુઃખાવો સાબિત થઈ શકે છે. જે હાલમાં શિસ્ત અને એકતાનો સંદેશ આપવામાં રોકાયેલા છે.