પ્રિયંકા ગાંધીને બાંસુરી સ્વરાજનો બેગ દ્વારા જ જવાબ

રાજકારણમાં ઘણી વાર, જે બાબતો તમે મૌખિક રીતે સમજાવી શકતા નથી, તે તમે પ્રતીકાત્મક રીતે વધુ સારી રીતે કરી શકો છો. જ્યારે ભારતીય જનતા પાર્ટી (ભાજપ) ના સાંસદ બાંસુરી સ્વરાજ 'એક રાષ્ટ્ર એક ચૂંટણી' પર JPC ની બેઠકમાં પહોંચ્યા, ત્યારે તેમના ખભા પર એક બેગ હતી. હવે આ બેગે તરખાટ મચાવ્યો છે. 

બાંસુરી સ્વરાજની આ  બેગ પર 'નેશનલ હેરાલ્ડની લૂંટ' લખેલું હતું. બાંસુરી સ્વરાજની બેગની તુલના પ્રિયંકા ગાંધીની બેગ સાથે કરવામાં આવી રહી છે જેના પર પેલેસ્ટાઇન લખેલું હતું. લોકો બાંસુરીના આ પગલાને જવાબ તરીકે પણ માની રહ્યા છે.

આ બેગ સાથે JPC પહોંચતા, બાંસુરી સ્વરાજે કહ્યું કે આ પહેલી વાર છે જ્યારે લોકશાહીના ચોથા સ્તંભ ગણાતા મીડિયામાં ભ્રષ્ટાચાર થયો છે. EDની ચાર્જશીટ કોંગ્રેસની જૂની કાર્યશૈલી અને વિચારધારાનો પર્દાફાશ કરે છે. સેવાના નામે, તેઓ જાહેર સંસ્થાઓનો ઉપયોગ પોતાની વ્યક્તિગત સંપત્તિ વધારવાના સાધન તરીકે કરે છે. આ ખૂબ જ ગંભીર બાબત છે. આ લોકોએ માત્ર ૫૦ લાખ રૂપિયામાં ૨૦૦૦ કરોડ રૂપિયાની મિલકત હડપ કરી લીધી. યંગ ઈન્ડિયા યંગ ઈન્ડિયા એક એવી કંપની છે જેની 76 ટકા માલિકી ગાંધી પરિવાર પાસે છે.

બાંસુરી સ્વરાજે  કહ્યું કે હું પૂછવા માંગુ છું કે આ એક ગંભીર આરોપ છે જે ચાર્જશીટમાંથી બહાર આવ્યો છે. એવો આરોપ છે કે કોંગ્રેસે રાજકીય ભંડોળનો દુરુપયોગ કરીને લોન આપી હતી. અને 2,000 કરોડ રૂપિયાની જાહેર મિલકત હડપ કરી.

તમને જણાવી દઈએ કે સંસદના શિયાળુ સત્ર દરમિયાન, કોંગ્રેસના સાંસદ પ્રિયંકા ગાંધી પેલેસ્ટાઇનના લોકોને સમર્થન અને એકતા દર્શાવવા માટે પોતાની સાથે એક હેન્ડબેગ લઈને સંસદ પહોંચ્યા હતા. તે બેગ પર પેલેસ્ટાઇન લખેલું હતું. જ્યારે બીજા જ દિવસે પ્રિયંકા ગાંધી બીજી નવી બેગ લઈને સંસદ પહોંચ્યા. તે બેગ પર બાંગ્લાદેશમાં લઘુમતીઓ પર થતી હિંસાનો વિરોધ કરતા અને બાંગ્લાદેશના હિન્દુઓ અને ખ્રિસ્તીઓ સાથે ઉભા રહેવાનું કહેતા લખેલું હતું.

આ પણ વાંચો--- વડાપ્રધાન સાથેની દાદાની મુલાકાતની આ તસવીરે ભારે ખળભળાટ મચાવ્યો

સમાચાર મેળવવા આજે જ અમારી WAHTSAPP ચેનલ સાથે જોડાવ