Delhi ની રાજનીતિમાં હડકંપ, AAP ના 15 કોર્પોરેટરોનો સામૂહિક રાજીનામું...

દેશની રાજધાની દિલ્હી (Delhi)ની રાજનીતિમાં એક મોટો રાજકીય ઉલટફેર જોવા મળ્યો છે. આમ આદમી પાર્ટી (AAP) ને મોટો આંચકો લાગ્યો છે, જ્યારે પાર્ટીના 15 કોર્પોરેટરોએ સામૂહિક રીતે પક્ષમાંથી રાજીનામું આપી દીધું છે.

નવા 'ત્રીજા મોરચા'ની રચના...

રાજીનામું આપનારા કોર્પોરેટરોમાં હેમચંદ, હિમાની જૈન, રુનાક્ષી શર્મા, ઉષા શર્મા, રાખી યાદવ, સાહિબ કુમાર, રાજેશ કુમાર, મનીષા, સુમન સહિત કુલ 15 સભ્યોનો સમાવેશ થાય છે. આ તમામ કોર્પોરેટરોએ હવે એક નવો ત્રીજો મોરચો (થર્ડ ફ્રન્ટ) બનાવવાની જાહેરાત કરી છે, જેનું નામ 'ઇન્દ્રપ્રસ્થ વિકાસ પાર્ટી' રાખવામાં આવ્યું છે. પત્રકાર પરિષદ દરમિયાન આ કોર્પોરેટરોએ તેમના નિર્ણયની જાણકારી આપી હતી, જેમાં હેમચંદ ગોયલને નવા ફ્રન્ટના નેતા જાહેર કરવામાં આવ્યા છે. તેમના નેતૃત્વ હેઠળ આ નવું રાજકીય સંગઠન ભવિષ્યની રણનીતિ ઘડશે.

આ પત્રકાર પરિષદમાં મુકેશ ગોયલ, હિમાની જૈન, દેવેન્દ્ર કુમાર, રાજેશ કુમાર લાડી, સુમન, અનિલ રાણા, દિનેશ ભારદ્વાજ સહિતના અનેક ભૂતપૂર્વ કોર્પોરેટરો પણ હાજર રહ્યા હતા.

AAP પર નિશાન, 'જવાબદારી નિભાવવામાં નિષ્ફળ'

રાજીનામું આપનારા કોર્પોરેટરોનું કહેવું છે કે તેઓ સૌ 2022 માં આમ આદમી પાર્ટીની ટિકિટ પર દિલ્હી (Delhi) નગર નિગમમાં ચૂંટાયા હતા. તેમ છતાં, 2022 માં દિલ્હી (Delhi) નગર નિગમમાં સત્તામાં આવ્યા પછી પણ પાર્ટીનું શીર્ષ નેતૃત્વ દિલ્હી (Delhi) નગર નિગમને સુચારુ રીતે ચલાવવામાં નિષ્ફળ રહ્યું. કોર્પોરેટરો સાથે શીર્ષ નેતૃત્વનો સમન્વય નહિવત્ રહ્યો, જેના કારણે પાર્ટી વિપક્ષમાં આવી ગઈ. જનતા સાથે કરવામાં આવેલા વાયદાઓ પૂરા ન કરી શકવાને કારણે અમે નીચેના કોર્પોરેટરો પાર્ટીની પ્રાથમિક સભ્યપદમાંથી રાજીનામું આપી રહ્યા છીએ.

ભાજપનું 'ટ્રિપલ એન્જિન' રાજ...

ઉલ્લેખનીય છે કે, 25 એપ્રિલના રોજ રાજધાની દિલ્હી (Delhi)માં ભારતીય જનતા પાર્ટીની 'ટ્રિપલ એન્જિન' સરકાર બની ગઈ છે. દિલ્હી નગર નિગમ (MCD) માં ભાજપના રાજા ઇકબાલ નવા મેયર અને જયભગવાન યાદવ ડેપ્યુટી મેયર તરીકે ચૂંટાયા છે. મેયરની ચૂંટણીમાં ભાજપના રાજા ઇકબાલને 133 મત મળ્યા હતા, જ્યારે કોંગ્રેસના ઉમેદવાર મંદીપને માત્ર આઠ મત પ્રાપ્ત થયા હતા. આમ આદમી પાર્ટીએ પોતાનો ઉમેદવાર ઉભો રાખ્યો ન હતો. મેયરની ચૂંટણીમાં કુલ 142 સભ્યોએ મતદાન કર્યું હતું. આ રાજકીય ઘટનાક્રમ દિલ્હી (Delhi)ની ભવિષ્યની રાજનીતિ પર શું અસર કરશે તે જોવું રહ્યું.