હાલ ચોમાસું ચાલી રહ્યું છે, જે નવો પડકાર પણ લઈને આવે છે, વધતો ભેજ. આ ભેજ રસોડામાં ચૂપચાપ ઘર બનાવી લે છે અને તમારા કરિયાણાને બગાડવાનું શરૂ કરે છે. બ્રેડમાં ફૂગ, લોટમાં ધનેરા, અને મસાલામાં ભીનાશ જેવી સમસ્યાઓ આ ઋતુમાં સામાન્ય બની જાય છે. આવી સ્થિતિમાં, આપણા માટે ચોમાસામાં કરિયાણાનો સંગ્રહ કેવી રીતે કરવો તે જાણવું અત્યંત જરૂરી છે, જેથી ખાદ્યપદાર્થોનો સ્વાદ અને પોષણ જળવાઈ રહે અને તે આપણા સ્વાસ્થ્ય માટે પણ સુરક્ષિત રહે.
કયા ખાદ્ય પદાર્થો બગડી શકે છે?
<img style="display: block; margin-left: auto; margin-right: auto;" src="https://ibp-benefits.s3.ap-south-1.amazonaws.com/prod/news/uploads/images/1756465852650_IMG-20250829-WA0093.jpg" alt="IMG-20250829-WA0093.jpg" width="500" height="342">
આ સિઝનમાં, ભેજ અને ફૂગનું જોખમ સૌથી વધુ હોય છે. અનાજ, કઠોળ, લોટ, મસાલા, પાપડ અને નમકીન જેવી વસ્તુઓ ઝડપથી ભેજ શોષી લે છે, જેનાથી તે વાસી અને ચીકણી થઈ જાય છે. આ ઉપરાંત, બ્રેડ અને શાકભાજી જેવી વસ્તુઓ પર ફૂગ ઝડપથી લાગે છે, જે સ્વાસ્થ્ય માટે હાનિકારક હોઈ શકે છે. આ ભેજ રસોડામાં ચીકણાશ, દુર્ગંધ અને જીવજંતુઓને પણ આમંત્રણ આપે છે, જે સ્પષ્ટ સંકેત છે કે, ભેજનું સ્તર વધી રહ્યું છે.
દીવાલ અને વાસણો પર ચીકાશ
<img style="display: block; margin-left: auto; margin-right: auto;" src="https://ibp-benefits.s3.ap-south-1.amazonaws.com/prod/news/uploads/images/1756465873583_IMG-20250829-WA0087.jpg" alt="IMG-20250829-WA0087.jpg" width="500" height="342">
તમારા રસોડામાં ભેજની હાજરીના સંકેતોને ઓળખવા માટે, દીવાલો અને વાસણો પર આવતી ચીકાશ, લાકડાના કબાટમાં આવતી ફૂગની ગંધ અને મીઠાના ડબ્બામાં ભેજ જામી જવો એ સામાન્ય લક્ષણો છે. આ બધું દર્શાવે છે કે, ચોમાસામાં કરિયાણાનો સંગ્રહ કરવા માટે તાત્કાલિક પગલાં ભરવાની જરૂર છે.
ભેજ અને જીવાતથી બચાવવાના ઉપાયો
<img style="display: block; margin-left: auto; margin-right: auto;" src="https://ibp-benefits.s3.ap-south-1.amazonaws.com/prod/news/uploads/images/1756465896844_IMG-20250829-WA0088.jpg" alt="IMG-20250829-WA0088.jpg" width="500" height="342">
ચોમાસામાં કરિયાણાનો સંગ્રહ યોગ્ય રીતે કરવા માટે કેટલીક સરળ પદ્ધતિઓ અપનાવી શકાય છે. પ્રથમ અને સૌથી મહત્વપૂર્ણ પગલું છે હવાચુસ્ત ડબ્બાનો ઉપયોગ. અનાજ, કઠોળ, લોટ અને મસાલાને હંમેશા કાચના અથવા BPA-ફ્રી પ્લાસ્ટિકના એરટાઇટ કન્ટેનરમાં જ રાખો. આનાથી ભેજ અને જીવજંતુઓ અંદર પ્રવેશી શકતા નથી. લીમડાના પાન, તમાલપત્ર, અથવા સૂકા લાલ મરચાંને ચોખા, દાળ અને કઠોળમાં રાખવાથી જીવાત દૂર રહે છે. આ કુદરતી ઉપચાર છે, જે તેમને લાંબા સમય સુધી સુરક્ષિત રાખે છે. આ ઉપરાંત, તમે સિલિકા જેલના પેકેટ અથવા મીઠાનો નાનો વાટકો રસોડાના કબાટમાં રાખી શકો છો, જે વધારાનો ભેજ શોષી લે છે.
રસોડાની સ્વચ્છતા અને વેન્ટિલેશન
<img style="display: block; margin-left: auto; margin-right: auto;" src="https://ibp-benefits.s3.ap-south-1.amazonaws.com/prod/news/uploads/images/1756465939993_IMG-20250829-WA0086.jpg" alt="IMG-20250829-WA0086.jpg" width="500" height="342">
ફૂગ અને ભીનાશને દૂર રાખવા માટે રસોડામાં યોગ્ય વેન્ટિલેશન અને સ્વચ્છતા જાળવવી જરૂરી છે. રસોડાના રેક અને કબાટને દર અઠવાડિયે સાફ કરો. વિનેગર અને પાણીના મિશ્રણથી સપાટીઓ સાફ કરવાથી ફૂગનો વિકાસ અટકી શકે છે. ભીના વાસણો કે ટુવાલને તરત જ સૂકવી નાખો. આ ઉપરાંત, એક્ઝોસ્ટ ફેનનો ઉપયોગ કરો, જે રસોડામાંથી ગરમી અને ભેજ બંનેને બહાર કાઢે છે. આ નાની-નાની બાબતોનું ધ્યાન રાખવાથી ચોમાસામાં કરિયાણાનો સંગ્રહ સરળ બની શકે છે અને રસોડાનું વાતાવરણ સ્વચ્છ રહે છે.

ભેજથી કરિયાણું બગડી રહી રહ્યું છે?

ચોમાસામાં ભેજથી કરિયાણું બગાડતું હોય તો અપનાવો આ ઘરેલુ નુસ્ખા

August 29, 2025 | 22:19 IST