પશ્ચિમ એશિયામાં ત્રીજા વિશ્વયુદ્ધ જેવી સ્થિતિ વચ્ચે અમેરિકી રાષ્ટ્રપતિ ડોનાલ્ડ ટ્રમ્પે ઈરાન વિરુદ્ધની સૈન્ય કાર્યવાહી હાલ પૂરતી સ્થગિત કરવાની જાહેરાત કરી છે.
સોમવારે ટ્રમ્પે સોશિયલ મીડિયા પ્લેટફોર્મ 'ટ્રુથ સોશિયલ' પર માહિતી આપી હતી કે તેમણે ડિપાર્ટમેન્ટ ઓફ વોરને ઈરાનના પાવર પ્લાન્ટ્સ અને એનર્જી ઈન્ફ્રાસ્ટ્રક્ચર પરના હુમલા પાંચ દિવસ માટે મોકૂફ રાખવા સૂચના આપી છે.
ટ્રમ્પની સોશિયલ મીડિયા પોસ્ટ
ટ્રમ્પે ઓલ કેપ્સમાં પોસ્ટ કરતા લખ્યું હતું કે, "મને જણાવતા આનંદ થાય છે કે છેલ્લા બે દિવસમાં અમેરિકા અને ઈરાન વચ્ચે મધ્ય પૂર્વમાં ચાલી રહેલા સંઘર્ષના સંપૂર્ણ નિરાકરણ માટે ખૂબ જ સારી અને ફળદાયી વાતચીત થઈ છે. મેં પાંચ દિવસ માટે તમામ સૈન્ય હુમલાઓ મુલતવી રાખવાનો આદેશ આપ્યો છે, જે ચાલુ બેઠકો અને ચર્ચાઓની સફળતા પર નિર્ભર રહેશે."
&nbsp;
<img src="https://ibp-benefits.s3.us-east-005.backblazeb2.com/prod/news/uploads/images/1774267272016_HEF18kBbsAA_fxH.png.png" alt="HEF18kBbsAA_fxH.png" width="503" height="412">
&nbsp;
શું હતો વિવાદ?
ગત શનિવારે ટ્રમ્પે ઈરાનને 48 કલાકનું અલ્ટીમેટમ આપ્યું હતું કે જો 'સ્ટ્રેટ ઓફ હોર્મુઝ' (વિશ્વના 20% તેલ સપ્લાયનો માર્ગ) તમામ જહાજો માટે ખોલવામાં નહીં આવે, તો અમેરિકા ઈરાનના પાવર પ્લાન્ટ્સને નેસ્તનાબૂદ કરી દેશે.
જેના જવાબમાં ઈરાને પણ વળતો પ્રહાર કરવાની અને અમેરિકી હિતો ધરાવતા પાવર ગ્રીડ તેમજ ઇઝરાયેલ પર હુમલો કરવાની ધમકી આપી હતી.
ટ્રમ્પની જાહેરાત પહેલા, ઈરાનના ઈસ્લામિક રિવોલ્યુશનરી ગાર્ડ કોર્પ્સ (IRGC) એ ચેતવણી આપી હતી કે જો અમેરિકા હુમલો કરશે, તો ઈરાન એ તમામ પ્રદેશોના પાવર પ્લાન્ટ્સને નિશાન બનાવશે જે અમેરિકી સૈન્ય મથકોને વીજળી પૂરી પાડે છે. વધુમાં, ઈરાને સમુદ્રી માર્ગો પર સુરંગો (Sea Mines) બિછાવવાની પણ ધમકી આપી હતી.
હાલમાં પાંચ દિવસની આ શાંતિ વૈશ્વિક બજારો અને ખાસ કરીને ક્રૂડ ઓઈલના ભાવ માટે રાહતના સમાચાર સમાન છે. હવે આ પાંચ દિવસની વાતચીત કોઈ કાયમી ઉકેલ તરફ દોરી જાય છે કે કેમ તેના પર આખી દુનિયાની નજર છે.

ટ્રમ્પ અને ઈરાન વચ્ચે હુમલા મોકૂફ!

તેહરાન સાથેની વાતચીત સફળ રહેતા ટ્રમ્પે સૈન્ય કાર્યવાહી પાંચ દિવસ ટાળી

March 23, 2026 | 17:56 IST