Video : Pakistan માં હિન્દુ યુવકને નિર્દયતાથી માર મરાયો, લઘુમતીઓની સુરક્ષા પર સવાલ!

પાકિસ્તાન (Pakistan)માં હિન્દુ લઘુમતીઓ પર અત્યાચારની વધુ એક હૃદયદ્રાવક ઘટના સામે આવી છે, જેણે માનવતાને શરમસાર કરી છે. કરાચીમાં બાયોનિક ફિલ્મ્સના માલિક સલમાન ફારૂક નામના એક નરાધમે સુધીર ધુન રાજ નામના એક નિર્દોષ હિન્દુ યુવકને માત્ર તેની ગાડીને અડી જવા બદલ નિર્દયતાથી માર માર્યો છે. આ ઘટનાનો વીડિયો વાયરલ થતાં જ સમગ્ર પાકિસ્તાન (Pakistan) અને વિશ્વભરમાં હાહાકાર મચી ગયો છે.

વાયરલ થયેલા વીડિયોમાં સ્પષ્ટપણે જોઈ શકાય છે કે સલમાન ફારૂક, સુધીરને અમાનુષી રીતે માર મારી રહ્યો છે. આ દ્રશ્યો વધુ આઘાતજનક ત્યારે બને છે જ્યારે સુધીરની બહેન સતત કરગરતી રહે છે અને તેના ભાઈને છોડી દેવાની વિનંતી કરે છે, તેમ છતાં સલમાન ફારૂક તેની વિનંતીને અવગણીને માર મારવાનું ચાલુ રાખે છે. આ ઘટના પાકિસ્તાન (Pakistan)માં લઘુમતીઓ, ખાસ કરીને હિન્દુઓ પ્રત્યેના વ્યવહાર પર ગંભીર સવાલો ઊભા કરે છે.

આ વીડિયો વાયરલ થયા બાદ પોલીસ તંત્ર હરકતમાં આવ્યું હતું અને આખરે સલમાન ફારૂકની ધરપકડ કરવામાં આવી છે. તેના પર શારીરિક હુમલો, ધમકી આપવી અને મહિલાને પરેશાન કરવાના ગંભીર આરોપો હેઠળ ગુનો નોંધવામાં આવ્યો છે અને તેને પોલીસ રિમાન્ડ પર લેવામાં આવ્યો છે.

આ પણ વાંચો : Australia : ભારતીય મૂળનો ગૌરવ કુંડી પોલીસ દમનનો ભોગ, વ્યક્તિ કોમામાં...

આ ઘટના માત્ર એક અકસ્માત નથી, પરંતુ પાકિસ્તાન (Pakistan)માં હિન્દુ લઘુમતીઓ સાથે વર્ષોથી થતા અત્યાચાર, ભેદભાવ અને અન્યાયનું જીવંત ઉદાહરણ છે. શું પાકિસ્તાન (Pakistan) સરકાર આવા નરાધમો સામે કડકમાં કડક કાર્યવાહી કરશે? શું લઘુમતીઓને ત્યાં સુરક્ષિત જીવન જીવવાનો અધિકાર મળશે? આ ઘટનાએ આંતરરાષ્ટ્રીય સ્તરે પણ પાકિસ્તાન (Pakistan)ના માનવાધિકાર રેકોર્ડ પર ગંભીર પ્રશ્નાર્થ ઊભો કર્યો છે. આવા અત્યાચારીઓને કડક સજા મળે અને ભવિષ્યમાં આવા બનાવો ન બને તે સુનિશ્ચિત કરવું એ સમયની માંગ છે.

આ પણ વાંચો : પાકિસ્તાનની માલિર જેલમાં હિંસક હુમલો, અનેક કેદી ભાગી છુટ્યા