વિદેશમાં ન્યાય કે દંડ? UEA માં બે ભારતીયોને ફાંસીની સજા

UEA માં હત્યાના કેસમાં ભારતીય મૂળના બે લોકોને મૃત્યુદંડની સજા ફટકારવામાં આવી છે. વિદેશ મંત્રાલયે તેમની ઓળખ કેરળના રહેવાસી મોહમ્મદ રિનાશ એ અને મુરલીધર પીવી તરીકે કરી છે. રિનાશને UEA ના રહેવાસીની હત્યા કરવા બદલ આ સજા આપવામાં આવી હતી. તે અલ આઈન પ્રાયોરમાં એક ટ્રાવેલ એજન્સીમાં કામ કરતો હતો, જ્યાં તેની ધરપકડ કરવામાં આવી હતી. જ્યારે મુરલીધરનને આ સજા તેમના એક ભારતીય પ્રવાસીની હત્યાના ગુના બદલ આપવામાં આવી હતી.

UEA એ 28 ફેબ્રુઆરીએ ભારતીય દૂતાવાસને આ અંગે જાણ કરી હતી. ત્યારબાદ ભારતીય દૂતાવાસે આ ભારતીય પરિવારનો સંપર્ક કર્યો. વિદેશ મંત્રાલયે કહ્યું કે, આ સંદર્ભમાં બંને પરિવારોને તમામ જરૂરી કોન્સ્યુલર અને કાનૂની સહાય પૂરી પાડવામાં આવી છે.

ભારતે બંનેને બચાવવાનો પ્રયાસ કર્યો...

ફાંસી આપતા પહેલા ભારત સરકારે મૃત્યુદંડની સજા પામેલા આ બે દોષિતોને બચાવવાનો પ્રયાસ કર્યો હતો, પરંતુ તે નિષ્ફળ ગયો. વિદેશ મંત્રાલયના જણાવ્યા અનુસાર, ભારતીય દૂતાવાસે પણ આ સંદર્ભમાં અરજી દાખલ કરી હતી, પરંતુ UEA ની સુપ્રીમ કોર્ટે તેમની સજાને સમર્થન આપ્યું હતું. તેમની અરજીઓ નકારી કાઢવામાં આવ્યા બાદ, બંનેને મૃત્યુદંડની સજા ફટકારવામાં આવી. હવે દૂતાવાસ મૃતકોના પરિવારજનો તેમના અંતિમ સંસ્કારમાં હાજરી આપી શકે તે માટે પ્રયાસો કરી રહ્યું છે. આ પહેલા, ઉત્તર પ્રદેશની એક મહિલાને 15 ફેબ્રુઆરીએ અબુ ધાબીમાં ભ્રૂણહત્યાના કેસમાં મૃત્યુદંડની સજા ફટકારવામાં આવી હતી.