અમેરિકાના પ્રમુખ ડોનાલ્ડ ટ્રમ્પે નાઇજીરિયામાં સક્રિય ઇસ્લામિક સ્ટેટ (ISIS)ના આતંકવાદીઓ વિરુદ્ધ ઘાતક સૈન્ય હુમલાનો આદેશ આપ્યો છે. ટ્રમ્પે સોશિયલ મીડિયા પોસ્ટ દ્વારા પુષ્ટિ કરી છે કે, નાઇજીરિયામાં નિર્દોષ ખ્રિસ્તીઓની હત્યા કરી રહેલા આતંકી ઠેકાણાઓ પર અમેરિકી દળોએ "શક્તિશાળી અને સચોટ" પ્રહાર કર્યા છે. આ કાર્યવાહી ઉત્તર-પશ્ચિમ નાઇજીરિયાના સોકોટો રાજ્યમાં કરવામાં આવી છે, જે આતંકી પ્રવૃત્તિઓનું કેન્દ્ર ગણાય છે.
નાઇજીરિયા સરકારના સહયોગથી એરસ્ટ્રાઈક અમેરિકી આફ્રિકા કમાન્ડ (AFRICOM)એ એક સત્તાવાર નિવેદનમાં જણાવ્યું છે કે, નાઇજીરિયન સત્તાવાળાઓ સાથેના સંકલનથી આ એરસ્ટ્રાઈક હાથ ધરવામાં આવી હતી. પ્રાથમિક મૂલ્યાંકન મુજબ, ISIS ના કેમ્પમાં રહેલા અનેક આતંકીઓ આ હુમલામાં માર્યા ગયા છે. 
ઉલ્લેખનીય છે કે, નાઇજીરિયાના વિદેશ મંત્રાલયે પણ આ સહકારની પુષ્ટિ કરી છે અને આતંકવાદ સામે લડવાની તેમની કટિબદ્ધતા દોહરાવી છે. સંરક્ષણ સચિવ પીટ હેગસેથે આ ઓપરેશનમાં નાઇજીરિયાના સમર્થન બદલ આભાર વ્યક્ત કર્યો હતો.
ધાર્મિક સ્વતંત્રતા અને ટ્રમ્પની ચેતવણી પ્રમુખ ટ્રમ્પે છેલ્લા કેટલાક મહિનાઓથી નાઇજીરિયામાં ખ્રિસ્તીઓની સુરક્ષાનો મુદ્દો જોરશોરથી ઉઠાવ્યો હતો. તેમણે અગાઉ ચેતવણી આપી હતી કે જો ખ્રિસ્તીઓ પરના હુમલા બંધ નહીં થાય, તો અમેરિકા સૈન્ય કાર્યવાહી કરતા ખચકાશે નહીં. 
ટ્રમ્પે લખ્યું કે, "મેં અગાઉ ચેતવણી આપી હતી અને આજે આતંકીઓએ તેની કિંમત ચૂકવી છે. મારું નેતૃત્વ ક્યારેય કટ્ટરપંથી ઇસ્લામિક આતંકવાદને સહન કરશે નહીં." ટ્રમ્પ પ્રશાસને નાઇજીરિયાને 'કન્ટ્રી ઓફ પર્ટીક્યુલર કન્સર્ન' તરીકે પણ નિયુક્ત કર્યું છે, જે ત્યાં ધાર્મિક સ્વતંત્રતાના ઉલ્લંઘન તરફ ઈશારો કરે છે.
આતંકવાદનો ભોગ અને આંકડાકીય સત્ય નાઇજીરિયામાં આશરે 230 મિલિયન (23 કરોડ) ની વસ્તી છે, જેમાં ખ્રિસ્તીઓ અને મુસ્લિમો બંને મુખ્ય સમુદાયો છે. આંકડા દર્શાવે છે કે આતંકી હુમલાઓમાં બંને ધર્મના લોકો ભોગ બને છે, પરંતુ ટ્રમ્પે ખાસ કરીને ખ્રિસ્તી વસ્તીને નિશાન બનાવી રહેલા સંગઠનો વિરુદ્ધ આકરી લડત છેડી છે. આ એરસ્ટ્રાઈક એ અમેરિકાની બદલાતી વિદેશ નીતિ અને આફ્રિકામાં તેના વધતા લશ્કરી હસ્તક્ષેપનો સ્પષ્ટ સંકેત છે.
&nbsp;

નાઇજીરીયામાં અનેક ISIS આતંકી ઠેકાણાઓ ઠાર

આતંકીઓને ટ્રમ્પની 'ક્રિસમસ ગિફ્ટ': નાઇજીરિયામાં અમેરિકી સેનાએ બોમ્બ વરસાવ્યા

December 26, 2025 | 19:55 IST