બ્રિટનમાં કંગનાની ફિલ્મ ઇમરજન્સીનો વિરોધ

કંગના રનૌતની ફિલ્મ "ઇમર્જન્સી" ના વિરોધમાં બ્રિટનના સિનેમા હોલમાં ખાલિસ્તાનીઓએ હંગામો મચાવ્યો છે. જેનાથી ફિલ્મના પ્રદર્શનમાં અવરોધ આવ્યો છે. કંગના રનૌતની ફિલ્મ 'ઇમર્જન્સી'ના સ્ક્રીનિંગ દરમિયાન ઉત્તર-પશ્ચિમ લંડનમાં તેમના મતવિસ્તારના લોકોને "નકાબધારી ખાલિસ્તાની આતંકવાદીઓ" દ્વારા ધમકી આપવામાં આવ્યા બાદ વિપક્ષી કન્ઝર્વેટિવ પાર્ટીના એક સાંસદે ગૃહ સચિવને હસ્તક્ષેપ કરવા વિનંતી કરી છે.

બોબ બ્લેકમેને હાઉસ ઓફ કોમન્સ (બ્રિટિશ સંસદનું નીચલું ગૃહ) ને જણાવ્યું હતું કે "અત્યંત વિવાદાસ્પદ" ફિલ્મનું સ્ક્રીનિંગ વોલ્વરહેમ્પ્ટન, બર્મિંગહામ, સ્લો, સ્ટેઇન્સ અને માન્ચેસ્ટરમાં પણ આવી જ રીતે ખોરવાઈ ગયું હતું. પરિણામે, વ્યુ અને સિનેવર્લ્ડે યુકેમાં તેમના ઘણા સિનેમાઘરોમાંથી ફિલ્મ દૂર કરવાનો નિર્ણય લીધો છે. યુકેમાં વ્યુ અને સિનેવર્લ્ડ સંખ્યાબંધ સિનેમાઘરો ચલાવે છે. રવિવારે મારા મતવિસ્તારના ઘણા લોકોએ હેરો વ્યૂ સિનેમામાં 'ઇમર્જન્સી' ફિલ્મ જોવા માટે ટિકિટ ખરીદી હતી,તેમ  બ્લેકમેને સંસદમાં જણાવ્યું. ફિલ્મનું પ્રદર્શન શરૂ થયાના લગભગ 30 કે 40 મિનિટ પછી, માસ્ક પહેરેલા ખાલિસ્તાની આતંકવાદીઓ ઘૂસી ગયા, દર્શકોને ડરાવી દીધા અને બળજબરીથી ફિલ્મ બંધ કરી દીધી.

તેમણે કહ્યું, "આ ફિલ્મ ખૂબ જ વિવાદાસ્પદ છે, અને હું તેની ગુણવત્તા કે સામગ્રી પર કોઈ ટિપ્પણી કરી રહ્યો નથી, પરંતુ હું મારા અને અન્ય સભ્યોના આ ફિલ્મ જોવા અને તેનું મૂલ્યાંકન કરવાના અધિકારનો બચાવ કરું છું." તે એ સમયની વાર્તા કહે છે જ્યારે ઇન્દિરા ગાંધી ભારતના વડા પ્રધાન હતા. તેમણે કહ્યું, "શું આપણે આવતા અઠવાડિયે ગૃહમંત્રી (યવેટ કૂપર) તરફથી નિવેદનની અપેક્ષા રાખી શકીએ છીએ કે જે લોકો સેન્સર દ્વારા પાસ થયેલી ફિલ્મો જોવા માંગે છે તેઓ શાંતિથી ફિલ્મ જોઇ શકે તે માટે શું કરવામાં આવશે?" હું થિયેટરોની બહાર વિરોધ કરવાના લોકોના અધિકારનો સંપૂર્ણ બચાવ કરું છું, પરંતુ ફિલ્મના પ્રદર્શનમાં ખલેલ પહોંચાડવાનો નહીં.