પેરૂ: જેલમાં લાગેલી આગમાં પાંચના મોત, 12થી વધુ ઘાયલ

પેરુના હુઆનકાયો શહેરની એક જેલમાં આગ લાગવાથી પાંચ લોકોના મોત થયા છે અને 12થી વધુ લોકો ઘાયલ થયા છે. જેલ સ્તાતધિશોના જણાવ્યા પ્રમાણે જેલના પેવેલિયન 2 ના જૂતા વર્કશોપમાં લોકલ સમય પ્રમાણે રાત્રે 9:30 વાગ્યે આગ લાગી હતી. જેમાા શ્વાસ રૂંધાવાના કારમણે પાંચ લોકોના મોત થયા હતા. લોકલ ન્યૂઝ એજન્સીના અહેવાલ મુજબ, આગ લાગયા વિશે માહિતી મળ્યા પછી, સુરક્ષા કર્મચારીઓએ સ્થાનિક ફાયર બ્રિગેડના કર્મચારીઓને જાણ કરી. જાણ થયાના થોડા જ સમયમાં 30 અગ્નિશામકો, એમ્બ્યુલન્સ અને સહાયક વાહનો સાથે ઘટનાસ્થળે પહોંચ્યા.

જેલ સત્તાધિશોના નિવેદન અનુસાર, બચાવ કામગીરી માં પેરુવિયન નેશનલ પોલીસના 100 અધિકારીઓ, ફરજ પરના જેલના અધિકારીઓ, ડૉક્ટરોની ટીમ અને અન્ય એમ્બ્યુલન્સનો  સ્ટાફ કામે લાગ્યો હતો. બચાવ કર્મીઓ દ્વારા તુરંત જ પેવેલિયન ટુમાંના તમામ કેદીઓને સલામત સ્થળે ખસેડવામાં આવ્યા હતા. અને હાલ જેલ પ્રશાસન આગના લાગવાના કારણની તપાસ કરવામાં આવી રહી છે. પ્રાથમિક તારણ અનુસાર  જૂતાની વર્કશોપમાં શોર્ટ સર્કિટને કારણે આગ લાગી હોવાનું માનવામાં આવે છે, જે જ્વલનશીલ સામગ્રીની હાજરીને કારણે વધુ ગંભીર બની હોવાનુ અનુમાન કરવામાં આવી રહ્યું છે.