પાકિસ્તાન: બલૂચિસ્તાનમાં બે આતંકવાદીઓ માર્યા ગયા, 5 ની ધરપકડ

પાકિસ્તાનના દક્ષિણ-પશ્ચિમ બલૂચિસ્તાન પ્રાંતમાં છેલ્લા ત્રણ દિવસમાં બે અલગ-અલગ કાર્યવાહીમાં બે આતંકવાદીઓ માર્યા ગયા છે અને અન્ય પાંચની ધરપકડ કરવામાં આવી છે.

ISPR એ એક નિવેદનમાં જણાવ્યું હતું કે સુરક્ષા દળોએ શનિવારે પ્રાંતના પિશિન જિલ્લામાં આતંકવાદીઓની હાજરીની માહિતી મળ્યા બાદ ઓપરેશન શરૂ કર્યું હતું. જેમાં ઓપરેશન દરમિયાન પાંચ આતંકીઓની ધરપકડ કરવામાં આવી છે. તેમની પાસેથી મોટી માત્રામાં હથિયારો, દારૂગોળો અને વિસ્ફોટકો જપ્ત કરવામાં આવ્યા છે.

એક ખાનગી ન્યૂઝ એજન્સિએ ISPRના નિવેદનને ટાંકીને કહ્યું કે ધરપકડ કરાયેલા આતંકવાદીઓ અનેક આતંકી હુમલાઓમાં સામેલ હતા. તેઓ સુરક્ષા દળો તેમજ નાગરિકોને નિશાન બનાવવાની યોજના બનાવી રહ્યા હતા.

ISPRએ જણાવ્યું કે ગુરુવારે બીજું ઓપરેશન હાથ ધરવામાં આવ્યું હતું. બલૂચિસ્તાનના ઝોબ જિલ્લામાં સુરક્ષાદળોએ એન્કાઉન્ટરમાં બે આતંકવાદીઓને ઠાર કર્યા છે. વિસ્તારમાં સર્ચ દરમિયાન મોટી માત્રામાં હથિયારો અને દારૂગોળો પણ મળી આવ્યો હતો.