મસૂદ અઝહર પોક મુકીને રડ્યો, કાશ હું પણ મર્યો હોત...

પહેલગામ આતંકવાદી હુમલાનો બદલો લેતા, ભારતીય સેનાએ પાકિસ્તાન અને પીઓકેમાં આતંકવાદી ઠેકાણાઓનો નાશ કર્યો. ઓપરેશન સિંદૂર હેઠળ હાથ ધરવામાં આવેલી આ કાર્યવાહીમાં, મોસ્ટ વોન્ટેડ આતંકવાદી મસૂદ અઝહરના પરિવારના 14 સભ્યો પણ માર્યા ગયા છે. આતંકવાદી મસૂદ અઝહરે એક પત્ર જારી કરીને કહ્યું હતું કે તે ઈચ્છે છે કે તે પણ આ હુમલામાં મરી ગયો હોત.

પાકિસ્તાનના બહાવલપુરમાં ભારતીય હવાઈ હુમલામાં જૈશ-એ-મોહમ્મદના વડા મસૂદ અઝહરની બહેન પણ માર્યા ગયા છે. આ હુમલામાં જાહેર કરાયેલા આતંકવાદીઓના સંબંધીઓ પણ માર્યા ગયા હતા. ભારતીય સેનાએ પાકિસ્તાનના પંજાબ અને પીઓકેમાં આતંકવાદી છાવણીઓ પર હુમલો કર્યો. અધિકારીઓએ જણાવ્યું કે પંજાબમાં 4 અને PoKમાં 5 સ્થળો પર હુમલો કરવામાં આવ્યો હતો.

જૈશ-એ-મોહમ્મદે એક નિવેદન જારી કરીને કહ્યું કે મૌલાના કશફનો આખો પરિવાર, મૌલાના મસૂદ અઝહરની મોટી બહેન ,  મુફ્તી અબ્દુલ રઉફના પૌત્રો માર્બાયા ગયા છે. તો સાદિયાના પતિ અને તેમની મોટી પુત્રીના ચાર બાળકો ઘાયલ થયા છે. મોટાભાગે મહિલાઓ અને બાળકો માર્યા ગયા છે. આતંકવાદી અઝહરના પરિવારના સભ્યો અને નજીકના લોકોને આજે બુધવારે (07 મે, 2025) દફનાવવામાં આવશે.

બીબીસી ઉર્દુએ જૈશ-એ-મોહમ્મદના વડાને ટાંકીને અહેવાલ આપ્યો છે કે ભારતીય હુમલામાં અઝહરના એક નજીકના સાથી, તેની માતા અને બે અન્ય નજીકના સાથીઓ પણ માર્યા ગયા હતા. ઓપરેશન સિંદૂર હેઠળ બહાવલપુરમાં સુભાન અલ્લાહ કમ્પાઉન્ડ પર પણ હુમલો કરવામાં આવ્યો હતો.

નાશ પામેલા ઠેકાણાઓના પુરાવા રજૂ કરતા, કર્નલ સોફિયા કુરેશીએ કહ્યું, "વિડીયોમાં મુરીદકે સહિત નાશ પામેલા આતંકવાદી કેમ્પો બતાવવામાં આવ્યા છે જ્યાં 2008ના મુંબઈ આતંકવાદી હુમલાના આરોપી અજમલ કસાબ અને ડેવિડ હેડલીએ તાલીમ લીધી હતી."