નાઈજીરિયાના રાષ્ટ્રપતિનો આદેશ, ધરપકડ કરેલા સગીરોને બિનશરતી મુક્ત કરો

નાઇજિરીયાના રાષ્ટ્રપતિ બોલા તિનુબુએ દેશમાં ભૂખ હડતાલ દરમિયાન ધરપકડ કરાયેલા સગીરોને બિનશરતી મુક્ત કરવાનો આદેશ આપ્યો છે અને તેમની ધરપકડ કઈ રીતે કરવામાં આવી તે અંગે તપાસ કરવા આદેશ કર્યો છે.   સમાચાર એજન્સી સિન્હુઆના જણાવ્યા અનુસાર,માહિતી અને રાષ્ટ્રીય ઓરિએન્ટેશન પ્રધાન મોહમ્મદ ઇદ્રિસે નાઇજીરિયાની રાજધાની અબુજામાં પત્રકારોને જણાવ્યું હતું કે રાષ્ટ્રપતિના આદેશ પર,એટર્ની જનરલે તાત્કાલિક કાર્યવાહી શરૂ કરી હતી.     મંત્રીએ કહ્યું કે તિનુબુએ એ પણ આદેશ આપ્યો છે કે ધરપકડ અને કાયદાકીય પ્રક્રિયામાં જે અધિકારીઓ સામેલ હતા તેમની તપાસ કરવામાં આવે, અને સરકારના કોઈપણ અધિકારી દ્વારા કાયદાનો ભંગ થતો જણાય તો તેની સામે યોગ્ય શિસ્તભંગના પગલાં લેવામાં આવશે.     સ્થાનિક અધિકારીઓના જણાવ્યા અનુસાર,આ સગીરોની ઉંમર 18 વર્ષથી ઓછી હતી,જેમને ઓગસ્ટમાં ભૂખ હડતાળ દરમિયાન નાઇજીરિયાના ઉત્તર વિસ્તારમાંથી ધરપકડ કરવામાં આવી હતી અને ગયા અઠવાડિયે અબુજામાં રાજદ્રોહનો કેસ ચલાવવામાં આવ્યો હતો.   સ્થાનિક અદાલતે 10 મિલિયન નાયરા (લગભગ $6,000) અને દરેક માટે બે જામીન સહિતની કડક જામીનની શરતો મંજૂર કર્યા બાદ આ કેસને લઈને દેશમાં ભારે ચર્ચા થવા લાગી હતી.     ઇદ્રીસે કહ્યું 'રાષ્ટ્રપતિએ માનવતાવાદી બાબતો અને ગરીબી નિવારણ મંત્રાલયે તાત્કાલિક સગીરોના હિતને જોતા તેમના માતા-પિતા અથવા વાલીઓ સાથે સંપર્ક સુનિશ્ચિત કરવા જણાવ્યું હતું.'