પાકિસ્તાનમાં પોલીસ ટ્રેનિંગ સ્કૂલ પર આતંકી હુમલો

પાકિસ્તાનના ખૈબર પખ્તુનખ્વાં પ્રાંતના ડેરા ઈસ્માઇલ ખાન ખાતે પાકિસ્તાની સુરક્ષા દળોએ આતંકવાદી સંગઠન તહરીક-એ-તાલિબાન પાકિસ્તાન (TTP)ના એક મોટા આત્મઘાતી હુમલાના પ્રયાસને સફળતાપૂર્વક નિષ્ફળ બનાવ્યો હતો. પ્રતિબંધિત સંગઠન TTPના આતંકવાદીઓએ પોલીસ ટ્રેનિંગ સ્કૂલમાં ઘૂસણખોરી કરીને મોટો પાકિસ્તાન આતંકી હુમલો કરવાની યોજના બનાવી હતી, પરંતુ પોલીસે સમયસર કાર્યવાહી કરીને આ પ્રયાસને સફળ થવા દીધો ન હતો.

આ પણ વાંચો: અફઘાનિસ્તાનમાં પાકિસ્તને એરસ્ટ્રાઇક કરી

સુરક્ષા દળના કુલ 6 આતંકવાદીઓને ઠાર

ડેરા ઈસ્માઇલ ખાનના DPOના નેતૃત્વમાં પોલીસે આ ઓપરેશન પાર પાડ્યું હતું. આ અથડામણમાં સુરક્ષા દળોએ કુલ 6 આતંકવાદીઓને ઠાર માર્યા હતા. જોકે, આ દરમિયાન ત્રણ પોલીસકર્મીઓના પણ મોત થયા હતા. પાકિસ્તાન આતંકી હુમલો જેવી ઘટનાઓ પાકિસ્તાનમાં તાજેતરના સમયમાં સતત વધી રહી છે, જે દેશ માટે ગંભીર સુરક્ષાના પડકારો ઊભો કરી રહી છે. આ વધતા આતંકવાદ પાછળ અફઘાન-તાલિબાન સાથેના સંબંધોમાં આવેલી કડવાશ પણ એક મોટું પરિબળ છે.

આ પણ વાંચો: ભારત-પાક. મહિલા મેચમાં અજીબોગરીબ સમસ્યાથી વિક્ષેપ

મસ્જિદ પર પણ આતંકી હુમલો

પાકિસ્તાન આતંકી હુમલાની અન્ય એક ઘટનામાં, શુક્રવારે પાકિસ્તાનના પંજાબ પ્રાંતના ચનાબ નગર ખાતે અહમદી સમુદાયની બેત-ઉલ-મહદી મસ્જિદને લક્ષ્ય બનાવવામાં આવી હતી. જુમ્માની નમાઝ પછી આતંકવાદીઓએ આ મસ્જિદ પર હુમલો કર્યો હતો. આ હુમલામાં મસ્જિદના અનેક સ્વયંસેવકો ઈજાગ્રસ્ત થયા હતા અને સુરક્ષા દળો સાથેની અથડામણમાં એક હુમલાખોર માર્યો ગયો હતો. આ ઘટના પાકિસ્તાનમાં લઘુમતી અહમદી મુસ્લિમ સમુદાય પર વધી રહેલા લક્ષિત હુમલાઓનું તાજેતરનું ઉદાહરણ છે. સ્થાનિક પોલીસે આ અંગે તપાસ શરૂ કરી દીધી છે.