લંડનમાં ટેક ઓફ પછી વિમાનમાં લાગી ભીષણ આગ, પાઈલટે કર્યું ઈમરજન્સી લેન્ડિંગ

લંડનમાં એક ભયાનક વિમાન દુર્ઘટના થઈ છે જ્યાં ટેક ઓફ કરતાની સાથે જ વિમાનમાં ભીષણ આગ લાગી ગઈ હતી.  આ ઘટનાથી એરપોર્ટ પર ભય અને અફરા-તફરીનો માહોલ છવાઈ ગયો હતો. મળતી માહિતી મુજબ, વિમાન ટેક ઓફ થતાની સાથે જ એન્જિનમાંથી ધુમાડો નીકળતો જોવા મળ્યો, જેના થોડી જ સેકંડમાં આગ ભભૂકી ઉઠી હતી. પાઇલટે તરત જ ઇમરજન્સી લેડિંગનો નિર્ણય લીધો અને મોટી દુર્ઘટના ટળી હતી.

વિમાનમાં લાગેલી આગ અને ધુમાડા જોઈને એરપોર્ટ સ્ટાફ અને ફાયર બ્રિગેડની ટીમ ઘટનાસ્થળે તરત જ પહોંચી ગઈ હતી. આગ પર કાબૂ મેળવવા માટે તાત્કાલિક કાર્યવાહી હાથ ધરવામાં આવી હતી. સારા સમાચાર એ છે કે, વિમાનમાં સવાર તમામ મુસાફરોને સમયસર સુરક્ષિત રીતે બહાર કાઢી લેવાયા હતા અને કોઈ મોટી ઈજાની માહિતી હજુ સુધી સામે આવી નથી.

આ ઘટનાને પગલે સ્થાનિક અધિકારીઓ અને સંબંધિત એરલાઇન કંપનીએ સ્પષ્ટતા કરી છે કે, સમગ્ર ઘટનાની તપાસ હાથ ધરવામાં આવી છે અને ભવિષ્યમાં આવી ઘટનાની પુનાવૃત્તિ ન થાય તે માટે તમામ તકેદારીના પગલાં લેવામાં આવશે. કંપનીએ મુસાફરોને સંપૂર્ણ સહાય અને સહયોગ આપવાની ખાતરી આપી છે. હાલ આગ લાગવાની ચોક્કસ કારણો વિશે તપાસ ચાલી રહી છે.