ઈરાન અને ઈઝરાયેલ વચ્ચે ચાલી રહેલું યુદ્ધ હવે પરમાણુ સંકટ તરફ આગળ વધી રહ્યું હોય તેમ જણાય છે. શનિવારની રાત્રે ઈરાને ઈઝરાયેલના સૌથી સંવેદનશીલ અને પરમાણુ રિએક્ટર ધરાવતા શહેર 'ડિમોના' પર મિસાઈલમારો કર્યો હતો.
ઈરાનની રિવોલ્યુશનરી ગાર્ડ્સ (IRGC)એ દાવો કર્યો છે કે તેમના 'ઓપરેશન ટ્રુ પ્રોમિસ'ના ચોથા તબક્કા હેઠળ કરવામાં આવેલા આ હુમલામાં ઈઝરાયેલને મોટું નુકસાન થયું છે.
ડિમોના શહેર ઈઝરાયેલના રણમાં વસેલું છે અને ત્યાં ઈઝરાયેલનું પરમાણુ રિએક્ટર આવેલું છે. આ શહેરની સુરક્ષા માટે ઈઝરાયેલની સૌથી આધુનિક એર ડિફેન્સ સિસ્ટમ 'આયર્ન ડોમ' અને 'એરો સિસ્ટમ' તૈનાત છે.
તેમ છતાં, ઈરાનનો દાવો છે કે તેમની મિસાઈલો આ સુરક્ષા કવચને તોડીને અંદર ઘૂસી ગઈ હતી. ઈરાને આ હુમલામાં પોતાની સૌથી ઝડપી હાઈપરસોનિક મિસાઈલ 'ફત્તાહ' ઉપરાંત 'કદ્ર' અને 'એમાદ' જેવી બેલિસ્ટિક મિસાઈલોનો ઉપયોગ કર્યો હતો.
હુમલામાં થયેલા નુકસાન અંગે બંને દેશોના દાવા અલગ છે:
ઈરાનનો દાવો છે કે હુમલામાં 200થી વધુ લોકો માર્યા ગયા અથવા ઘાયલ થયા છે. એકલા ડિમોનામાં જ ડઝનબંધ લોકોના મોત થયા હોવાનું IRGC એ જણાવ્યું છે.
જ્યારે&nbsp; ઈઝરાયેલનો દાવો કરે છે કે ઈઝરાયેલ સરકારના મતે માત્ર 50 લોકો ઘાયલ થયા છે.
જોકે, ઈઝરાયેલના અખબાર 'યેદિઓથ અહરોનોથ' એ આ રાતને 28 ફેબ્રુઆરી પછીની સૌથી મુશ્કેલ રાત ગણાવી છે. ડિમોનામાં મોટી સંખ્યામાં એમ્બ્યુલન્સ અને સૈન્ય હેલિકોપ્ટરોની અવરજવર જોતા ઈરાની દાવો વધુ ગંભીર જણાઈ રહ્યો છે.
અમેરિકી અડ્ડાઓ પણ નિશાન પર
ઈરાને આ વખતે માત્ર ઈઝરાયેલ જ નહીં, પરંતુ આરબ દેશોમાં આવેલા અમેરિકી સૈન્ય મથકોને પણ નિશાન બનાવ્યા છે. કુવૈતના અલી અલ-સલેમ એરબેઝ અને UAE ના અલ-મિનહાદ તેમજ અલ-ધફરા એરબેઝ પર હુમલો કરીને ઈરાને અમેરિકાને પણ સીધી ચેતવણી આપી છે.
IRGC ના નિવેદન મુજબ, હવે ઈઝરાયેલની એર ડિફેન્સ સિસ્ટમ ઈરાની હુમલાઓને રોકવામાં સક્ષમ રહી નથી. બીજી તરફ લેબનાનનું હિઝબુલ્લાહ પણ ઉત્તર દિશામાંથી ઈઝરાયેલ પર સતત દબાણ બનાવી રહ્યું છે. આ સ્થિતિ સૂચવે છે કે ઈઝરાયેલ હવે બે મોરચે ઘેરાઈ ગયું છે અને આવનારા દિવસોમાં આ સંઘર્ષ વધુ ભયાનક સ્વરૂપ ધારણ કરી શકે છે.

ઈઝરાયેલ પર ઈરાનનો મિસાઈલ મારો

હાઈપરસોનિક મિસાઈલ 'ફત્તાહ'નો કહેર; અમેરિકી સૈન્ય અડ્ડાઓ પણ નિશાન પર કરી હુમલો..

March 22, 2026 | 11:40 IST