નેપાળમાં ચાલી રહેલા હિંસક પ્રદર્શન વચ્ચે ફસાયેલી ભારતીય વૉલીબોલ ટીમને ભારત સરકારે સફળતાપૂર્વક બચાવી લીધી છે. આ તાત્કાલિક કાર્યવાહી, જાણીતી ટીવી પ્રેઝેન્ટર ઉપાસના ગિલ દ્વારા કરાયેલી વાયરલ અપીલના પગલે કરવામાં આવી હતી.
ટીમ પોખરા ખાતેના હોટેલમાં ફસાઈ
ઉપાસના ગિલ, જે નેપાળના પોખરા ખાતે વૉલીબોલ લીગ હોસ્ટ કરવા ગઈ હતી, તે ત્યાં આવેલી હિંસક ભીડના કારણે મુશ્કેલીમાં આવી હતી. તેઓએ સોશિયલ મીડિયા પર એક ઈમોશનલ વીડિયો પોસ્ટ કર્યો હતો. જેમાં તેમણે જણાવ્યું હતું કે, તેઓ અને વૉલીબોલ ટીમ પોખરા ખાતેના હોટેલમાં ફસાયેલા છે.
લાઠીઓ સાથે લોકો દોડતા આવ્યા
તેમણે તેમના વીડિયોમાં કહ્યું કે, 'મારું નામ ઉપાસના ગિલ છે. હું પોખરા, નેપાળમાં ફસાઈ ગઈ છું. અમે રહેલા હોટેલને આગ લગાવવામાં આવી છે. મારો તમામ સામાન અંદર છે. હું સ્પામાં હતી ત્યારે મોટી લાઠીઓ સાથે લોકો દોડતા આવ્યા. હું મારો જીન બચાવીને ભાગી શકી.'
બાકીના સભ્યોને પરત લાવવાની કાર્યવાહી
આ વીડિયોને ભારતમાં સોશિયલ મીડિયા પર ભારે પ્રતિસાદ મળ્યો હતો. ત્યારબાદ કાઠમાંડૂ સ્થિત ભારતીય દૂતાવાસ તાત્કાલિક દરેક મેમ્બર સાથે સંપર્કમાં આવી ગયું અને તમામ ફસાયેલા લોકોને સલામત સ્થળે ખસેડવામાં આવ્યા હતા. હાલ ટીમના મોટાભાગના સભ્યો ભારતમાં પરત આવી ગયા છે અને બાકીના સભ્યોને પરત લાવવાની કાર્યવાહી ચાલી રહી છે.&nbsp;ભારતીય દૂતાવાસે કાઠમાંડૂમાં કંટ્રોલ રૂમ કાર્યરત કરી દીધો છે અને ભારતીય નાગરિકોને મદદરૂપ થવા માટે ઈમરજન્સી હેલ્પલાઈન નંબર પણ જાહેર કર્યા છે.
વિરોધના કારણે વડાપ્રધાન કે. પી. શર્મા ઓલીનું રાજીનામું
નેપાળમાં હિંસા એ સમયે ભડકી હતી જ્યારે સરકાર દ્વારા સોશિયલ મીડિયા પર પ્રતિબંધ લગાવાયો. તે પછી વિરોધમાં રાષ્ટ્રીય સ્તરે હિંસક પ્રવૃત્તિઓ શરૂ થઈ ગઈ. આ "Gen-Z વિરોધ પ્રદર્શન" દરમિયાન અત્યારસુધીમાં 51 લોકોના મોત થયા છે. મૃતકમાં એક ભારતીય મહિલા અને 3 નેપાળી પોલીસકર્મીઓનો પણ સમાવેશ થાય છે. આ જાગૃતિ અને વિરોધના કારણે વડાપ્રધાન કે. પી. શર્મા ઓલીએ રાજીનામું આપ્યું છે.
સત્તાવાર વ્યક્તિઓ પાસે મદદની વિનંતી
મધ્યમાં ઉપાસના ગિલ દ્વારા વીડિયો પોસ્ટમાં ઉલ્લેખ કરાયો હતું કે, તેઓ પ્રફુલ ગર્ગને સંદેશ મોકલી રહ્યા છે અને ભારતીય દૂતાવાસ તથા કોઈપણ સત્તાવાર વ્યક્તિઓ પાસે મદદની વિનંતી કરે છે. આ ઘટના એકવાર ફરી બતાવે છે કે, સોશિયલ મીડિયાની શક્તિ અને ભારતીય દૂતાવાસની તાત્કાલિક કામગીરી કેટલી અસરકારક બની શકે છે જ્યારે સમય પર યોગ્ય પગલાં લેવામાં આવે.

નેપાળમાં GEN Z આંદોલન

નેપાળમાં ફસાયેલી ભારતીય વૉલીબોલ ટીમને ઉપાસના ગિલની અપીલ પછી ભારતીય દૂતાવાસે બચાવી

September 12, 2025 | 22:14 IST