ભારતના દુશ્મન મસૂદ અઝહરને હાર્ટ એટેક આવ્યો

જૈશ-એ-મોહમ્મદ (JeM)ના સંસ્થાપક મસૂદ અઝહરને હાર્ટ એટેક આવ્યો છે. તમને જણાવી દઈએ કે મસૂદ અઝહર ભારતનો મોસ્ટ વોન્ટેડ જૈશ લીડર છે. એટેક આવ્યા બાદ તરત જ મસૂદને અફઘાનિસ્તાનથી પાકિસ્તાન લઈ જવામાં આવ્યો હતો. મસૂદ અઝહરને હાલમાં જ કરાચીની સંયુક્ત સૈન્ય હોસ્પિટલમાં દાખલ કરવામાં આવ્યો છે. પરંતુ તેની સ્થિતિ અંગે હજુ સુધી કોઈ અપડેટ નથી.

અહેવાલો અનુસાર, અઝહર, જેનો ભારતમાં ઘાતક પુલવામા હુમલા પાછળ જૈશ-એ-મોહમ્મદનો હાથ હતો, જ્યારે તેની તબિયત બગડી ત્યારે તે અફઘાનિસ્તાનમાં હતો. સૂત્રોએ જણાવ્યું કે તેને પાકિસ્તાનની એક હોસ્પિટલમાં સારવાર માટે દાખલ કરવામાં આવ્યો છે.

ઉલ્લેખનિય છે કે 1999માં IC-814 એરક્રાફ્ટના અપહરણ બાદ ભારતને મસૂદ અઝહરને છોડવાની ફરજ પડી હતી.

અઝહર 2001માં ભારતીય સંસદ પર થયેલા આતંકવાદી હુમલાનો માસ્ટરમાઇન્ડ પણ હતો. તે 2016માં પઠાણકોટ હુમલા, 2019માં પુલવામા હુમલા અને ભારતમાં અન્ય ઘણી આતંકવાદી ગતિવિધિઓમાં પણ સામેલ હોવાનું જાણવા મળે છે.