ટ્રમ્પનો યુ-ટર્ન: પુતિન સાથે બેઠક સમયનો વ્યય

અમેરિકાના રાષ્ટ્રપતિ ડોનાલ્ડ ટ્રમ્પે ફરી એકવાર અણધારો વળાંક લીધો છે. થોડા દિવસ પહેલાં જ તેમણે રશિયન રાષ્ટ્રપતિ વ્લાદિમીર પુટિન સાથે હંગેરીમાં બેઠક કરવાની જાહેરાત કરી હતી, પરંતુ હવે તે બેઠકને તેમણે “સમયનો બગાડ” કહીને રદ કરી દીધી છે. આ પગલું ટ્રમ્પની અનિશ્ચિત રાજદ્વારીની નવી કડી તરીકે જોવામાં આવી રહ્યું છે.

આ અચાનક ફેરફાર અમેરિકાના સચિવ માર્કો રૂબિયો અને રશિયાના વિદેશ મંત્રી સર્ગેઈ લાવરોફ વચ્ચે થયેલી ટેલિફોનિક વાતચીત બાદ આવ્યો હોવાનું માનવામાં આવે છે. ટ્રમ્પે કહ્યું કે તેમને “બેકાર બેઠક” નથી કરવી, જે યુદ્ધ સમાધાન માટેની વોશિંગ્ટનની અસ્થિર દિશા દર્શાવે છે.

યુરોપીય નેતાઓ માટે ટ્રમ્પનો આ યુ-ટર્ન રાહતરૂપ બની શકે છે, કારણ કે તેઓ લાંબા સમયથી પુટિન પર આરોપ મૂકે છે કે તે શાંતિ વાટાઘાટોને સમય ખેંચવા માટે ઉપયોગ કરે છે. બ્રિટન, ફ્રાન્સ અને જર્મનીએ સ્પષ્ટ કહ્યું છે કે તેઓ યુક્રેનને જમીન સમર્પણના દબાણમાં નહીં મૂકે — એ સૂચન ટ્રમ્પે તાજેતરમાં આપ્યું હતું.

તે જ સમયે, યુરોપીય દેશો જપ્ત રશિયન સંપત્તિમાંથી અબજો ડોલર યુક્રેનની લડત માટે વાપરવા આગળ વધી રહ્યા છે, ભલે તેની કાનૂનીતા પર ચર્ચા ચાલી રહી છે.

ટ્રમ્પ અને પુટિનની છેલ્લી મુલાકાત ઓગસ્ટમાં અલાસ્કામાં થઈ હતી, પરંતુ તેમાં કોઈ મોટો પરિણામ આવ્યો નહોતો. ક્રેમ્લિન તરફથી પણ ઉતાવળ નથી બતાવવામાં આવી, અને પ્રવક્તા દિમિત્રી પેસ્કોવે કહ્યું કે “ગંભીર તૈયારી જરૂરી છે.”

યુક્રેનના રાષ્ટ્રપતિ વોલોદિમીર ઝેલેન્સ્કી અમેરિકાથી લાંબા અંતરના ટોમહોક મિસાઇલ મેળવવા માટે પ્રયત્નશીલ છે. તેમણે કહ્યું કે પુટિનની રાજદ્વારી રસ ફરી વધી જ્યારે ટોમહોક મિસાઇલની ચર્ચા હતી, પરંતુ દબાણ ઘટતાં જ રશિયા ફરી વાટાઘાટ ટાળવા લાગ્યું.

હાલ માટે, ટ્રમ્પનો આ “અભી બોલા–અભી ફોકે” ઢબનો રાજદ્વારી અભિગમ વિશ્વને ફરી ગૂંચવણમાં મૂકે છે — એક દિવસ શાંતિની વાત, બીજા દિવસે સંપૂર્ણ પાછો વાળો.