બેનરો લઈ USમાં ઇરાન સાથેની લડાઈનો કરાયો ઉગ્ર વિરોધ

મિડલ ઈસ્ટમાં ચાલતા ઈરાન- ઇઝરાયલ યુદ્ધમાં ટ્રમ્પે એન્ટ્રી લીધી હતી જેમાં અમેરિકાએ ફોર્ડો, નાતાન્ઝ અને ઇસ્ફહાનમાં ઈરાની સ્થળો પર હુમલો કર્યો હતો. આ હુમલો ઈરાન અને ઇઝરાયલ વચ્ચે ચાલી રહેલા સંઘર્ષમાં અમેરિકાનો પ્રથમ હસ્તક્ષેપ છે.

ઈરાન પર હુમલાના રાષ્ટ્રપતિ ડોનાલ્ડ ટ્રમ્પ સામે અમેરિકાના અનેક શહેરોમાં અને વિશ્વભરમાં લોકો રસ્તાઓ પર ઉતરી આવ્યા છે. રવિવારે દેશભરમાં "નો મોર વોર" વિરોધ પ્રદર્શનનું આયોજન કર્યું હતું. શનિવારે સાંજે રાષ્ટ્રપતિ ટ્રમ્પની જાહેરાત બાદ આ વિરોધ પ્રદર્શન કરવામાં આવ્યું હતું. 

ઈરાન પર તાજેતરના હુમલાના પ્રતિભાવમાં અમેરિકામાં ન્યુ યોર્ક સિટી અને વોશિંગ્ટન ડીસીમાં મોટી સંખ્યામાં લોકો એકઠા થયા હતા, જેમણે યુદ્ધ વિરોધી અને ટ્રમ્પ વિરોધી વિરોધ પ્રદર્શનો કર્યા હતા. X પર શેર કરાયેલા ફૂટેજમાં વિરોધીઓ યુદ્ધ વિરોધી સૂત્રોચ્ચાર કરતા અને ટ્રમ્પ વહીવટીતંત્રને ઇઝરાયલને સમર્થન આપવાનું બંધ કરવા અને વધતા સંઘર્ષમાંથી ખસી જવા વિનંતી કરતા દર્શાવવામાં આવ્યા છે

વ્હાઇટ હાઉસની બહાર પ્રદર્શનકારીઓએ ઈરાની ધ્વજ લહેરાવ્યા હતા અને સમાજવાદી થીમ આધારિત બેનર પણ હાથમાં રાખ્યા હતા. ટ્રમ્પના સાથી લૌરા લૂમરે વિરોધ પ્રદર્શનનો એક વીડિયો પોસ્ટ કર્યો હતો, જેમાં સહભાગીઓને "ટ્રમ્પ વિરોધી, ઈરાન તરફી" ગણાવ્યા હતા અને દાવો કર્યો હતો કે આ કાર્યક્રમ જ્યોર્જ સોરોસ અને મુસ્લિમ બ્રધરહુડ સાથે જોડાયેલા જૂથો દ્વારા આયોજિત કરવામાં આવ્યો હતો.