હોર્મુઝ તણાવથી કોન્ડોમના ભાવમાં 30 ટકાનો ઉછાળો

ઈરાન-ઈઝરાયેલ અને અમેરિકાના યુદ્ધના હોર્મુઝ સ્ટ્રેટ બંધ થવાથી કાચા માલ સમયસર પહોંચતા અટકાવાતાં કોન્ડોમ બનાવવા માટે જરૂરી પેટ્રોકેમિકલ ઉત્પાદનો, જેમ કે એમોનિયા અને સિલિકોન આધારિત લુબ્રિકન્ટ્સની તીવ્ર અછત છે.

અમેરિકા અને ઈરાન વચ્ચેના તણાવને કારણે કોન્ડોમના ભાવ વધવાની તૈયારી છે. હકીકતમાં, વિશ્વના સૌથી મોટા કોન્ડોમ ઉત્પાદક કારેક્સે 30 ટકા કે તેથી વધુ ભાવ વધારાની જાહેરાત કરી છે.

કારેક્સ કહે છે કે યુદ્ધને કારણે કાચા માલનો પુરવઠો ખોરવાઈ ગયો છે, જેના કારણે કોન્ડોમના ઉત્પાદનનો ખર્ચ વધી ગયો છે. તેમની પાસે કિંમતો વધારવા સિવાય બીજો કોઈ વિકલ્પ નથી.

મલેશિયા સ્થિત કંપની કારેક્સના સીઈઓ ગોહ મિયાહ કિયાતે જણાવ્યું હતું કે હોર્મુઝમાં લશ્કરી નાકાબંધી અને તણાવને કારણે કાચા માલના પુરવઠા પર ગંભીર અસર પડી છે.

કોન્ડોમ બનાવવા માટે જરૂરી પેટ્રોકેમિકલ ઉત્પાદનો, જેમ કે એમોનિયા અને સિલિકોન આધારિત લુબ્રિકન્ટ્સની તીવ્ર અછત છે, કારણ કે વિશ્વના ક્રૂડ ઓઇલ અને LNGનો લગભગ પાંચમો ભાગ હોર્મુઝ સ્ટ્રેટમાંથી પસાર થાય છે.

કોન્ડોમની માંગમાં રેકોર્ડ વધારો

કંપનીના જણાવ્યા અનુસાર, અનિશ્ચિતતાના આ વૈશ્વિક વાતાવરણમાં કોન્ડોમની માંગમાં 30%નો વધારો થયો છે. કારેક્સના સીઈઓ કહે છે કે જ્યારે યુદ્ધ જેવી પરિસ્થિતિઓ ઊભી થાય છે અને નોકરીઓ જોખમમાં હોય છે, ત્યારે લોકો વધુ ચિંતિત બને છે અને કુટુંબ નિયોજન પર ધ્યાન કેન્દ્રિત કરે છે. આવા સમયે, કાચા માલના પુરવઠામાં વિક્ષેપથી કંપનીના પડકારો બમણા થઈ ગયા છે.

કારેક્સ વાર્ષિક 5 અબજથી વધુ કોન્ડોમનું ઉત્પાદન કરે છે, જે ડ્યુરેક્સ અને ટ્રોજન જેવી બ્રાન્ડ્સ તેમજ યુકેની નેશનલ હેલ્થ સર્વિસ (NHS) ને સપ્લાય કરે છે. આ ભાવ વધારાનો સીધો પ્રભાવ વિશ્વભરના ગ્રાહકોના ખિસ્સા પર પડશે.

હોર્મુઝ પર તણાવને કારણે અન્ય ઉત્પાદનો પણ મોંઘા

રિપોર્ટમાં એમ પણ કહેવામાં આવ્યું છે કે ગલ્ફ દેશોમાં શિપમેન્ટ બંધ થવાથી માત્ર કોન્ડોમ જ નહીં પરંતુ અન્ય ઉત્પાદનોના ભાવ પણ વધી રહ્યા છે. ગયા વર્ષની સરખામણીમાં ઇકોનોમી ક્લાસની ટિકિટોમાં સરેરાશ 24%નો વધારો થયો છે. વધતા પરિવહન ખર્ચને કારણે ખાંડ, ડેરી ઉત્પાદનો અને ફળોના ભાવમાં વધારો થવાની ચેતવણી આપવામાં આવી છે. વધુમાં, ચિપ ઉદ્યોગ પણ કટોકટીનો સામનો કરી રહ્યો છે, હિલીયમની અછત કમ્પ્યુટર ચિપ્સના ઉત્પાદનને અસર કરી રહી છે.