Russia માં ભયાનક ટ્રેન દુર્ઘટના, પુલ તૂટતા 7 ના મોત, 30 ઘાયલ

પશ્ચિમી રશિયા (Russia)ના બ્રાયનસ્ક ક્ષેત્રમાં શનિવારે મોડી રાત્રે એક ભયાનક ટ્રેન દુર્ઘટના સર્જાઈ હતી. એક પુલ તૂટી પડતાં એક પેસેન્જર ટ્રેન પાટા પરથી ઉતરી ગઈ હતી. આ કારુણિક ઘટનામાં 7 લોકોના મોત થયા છે અને લગભગ 30 લોકો ઘાયલ થયા છે. રશિયન અધિકારીઓએ આ ટ્રેન દુર્ઘટના માટે 'ગેરકાયદેસર હસ્તક્ષેપ'ને જવાબદાર ઠેરવ્યો છે.

પુલ તૂટતા ટ્રેન પણ લપેટાઈ...

પશ્ચિમી રશિયા (Russia)માં આ ટ્રેન દુર્ઘટના બ્રાયનસ્ક ક્ષેત્રમાં થઈ છે, જે યુક્રેનની સરહદને અડીને આવેલો છે. 2022 માં રશિયા (Russia) દ્વારા યુક્રેન પર કરાયેલા હુમલાઓ બાદથી આ વિસ્તારમાં તણાવ વધ્યો છે. મોસ્કો રેલવે અનુસાર, પુલ પરિવહન કાર્યોમાં 'ગેરકાયદેસર હસ્તક્ષેપ'ના કારણે તૂટી પડ્યો. પુલના પડવાથી ટ્રેન પણ તેની ઝપેટમાં આવી ગઈ.

આ રીતે પલટી ટ્રેન...

રોસાવટોડોરે પુષ્ટિ કરી છે કે, પુલ એ રેલવે લાઇન પરથી પસાર થયો હતો જેના પર ટ્રેન ચાલી રહી હતી. અચાનક પુલ ધસી પડતાં કોંક્રીટના મોટા-મોટા ટુકડા પાટા પર પડ્યા, જે સીધા આવતી ટ્રેનના માર્ગમાં આવી ગયા. આના પરિણામે ટ્રેન પાટા પરથી પલટી ગઈ.

સોશિયલ મીડિયામાં દુર્ઘટનાના અનેક વીડિયો...

સોશિયલ મીડિયા પ્લેટફોર્મ 'X' (અગાઉ ટ્વિટર) પર આવી રહેલી તસવીરો અને વીડિયોમાં મળભાથી ભરેલા દ્રશ્યોમાં ટ્રેનના ડબ્બા તૂટેલા અને વિખેરાયેલા દેખાય છે. કેટલાક સોશિયલ મીડિયા વીડિયોમાં પુલ ધસી પડતી વખતેનો ભયાવહ ક્ષણ કેદ કરવામાં આવ્યો છે, જેમાં પુલના ધસી પડવાથી વાહનો સહેજમાં બચ્યા છે.

બચાવ અભિયાન ચાલુ...

બ્રાયનસ્કના ગવર્નર એલેક્ઝાંડર બોગોમાઝે જાનહાનિની ​​પુષ્ટિ કરી છે અને જણાવ્યું છે કે ઘાયલોમાં બે બાળકો પણ સામેલ છે. બોગોમાઝે જણાવ્યું કે, પીડિતોને તમામ જરૂરી સહાય પૂરી પાડવા માટે સર્વશ્રેષ્ઠ પ્રયાસો કરવામાં આવી રહ્યા છે. સાથે જ તેમણે જણાવ્યું કે, આપત્કાલીન સેવાઓ અને સ્થાનિક અધિકારીઓ ઘટનાસ્થળે કાર્યરત છે.