નોબેલ શાંતિ પુરસ્કાર માટે એલન મસ્કનું નોમિનેશન, સમર્થકોમાં ભારે ઉત્સાહ

યુરોપિયન સંસદના સ્લોવેનિયન સભ્ય બ્રાન્કો ગ્રિમ્સે વિશ્વના સૌથી ધનાઢ્ય લોકોમાંના એક અને ટેસ્લા, સ્પેસએક્સ અને એક્સ જેવી કંપનીઓના માલિક એલોન મસ્કને 2025ના નોબેલ શાંતિ પુરસ્કાર માટે સત્તાવાર રીતે નામાંકિત કર્યા છે. નોમિનેશનના આ સમાચાર બાદ એલોન મસ્કના સમર્થકોમાં જબરદસ્ત ઉત્સાહ જોવા મળી રહ્યો છે. Dogecoin cryptocurrency સાથે સંકળાયેલા એક ડિઝાઇનરે સોશિયલ મીડિયા પર લખ્યું, એલન મસ્કને અભિવ્યક્તિની સ્વતંત્રતાને રક્ષણ માટેના તેમના પ્રયાસોની માન્યતામાં 2025 નોબેલ શાંતિ પુરસ્કાર માટે નામાંકિત કરવામાં આવ્યા છે.

ગ્રીમ્સે કહ્યું કે, અભિવ્યક્તિની સ્વતંત્રતાના સમર્થનમાં મસ્કના સતત પ્રયાસો અને વૈશ્વિક શાંતિમાં તેમના યોગદાનને માન્યતા આપવા માટે આ નામાંકન કરવામાં આવ્યું છે.બ્રાન્કો ગ્રિમ્સે આ પ્રસ્તાવની પુષ્ટિ કરતા કહ્યું કે આજે સફળતાપૂર્વક પ્રસ્તાવ મૂકવામાં આવ્યો હતો કે અભિવ્યક્તિની સ્વતંત્રતા અને શાંતિના મૂળભૂત માનવ અધિકારનું સતત સમર્થન કરી રહેલા એલોન મસ્કને 2025 માટે નોબેલ શાંતિ પુરસ્કાર આપવામાં આવે.' આ નોમિનેશનમાં યોગદાન આપનારા તમામ લોકોનો આભાર વ્યક્ત કરતાં, તેમણે કહ્યું, 'આ પડકારજનક પ્રોજેક્ટમાં મદદ કરનાર તમામ સહ-પ્રસ્તાવકો અને સહકર્મીઓનો હૃદયપૂર્વક આભાર.'