પાકિસ્તાનમાં ટ્રેન હાઇજેક કરનાર બલુચિસ્તાન લિબરેશન આર્મીનો શું છે ઉદ્દેશ્ય?, જાણો શું કહ્યું...

બલુચિસ્તાન લિબરેશન આર્મી (BLA) એક સશસ્ત્ર બળવાખોર સંગઠન છે જે પાકિસ્તાનના બલુચિસ્તાન પ્રાંતમાં સક્રિય છે. આ સંગઠન બલૂચ રાષ્ટ્રવાદને પ્રોત્સાહન આપે છે અને પાકિસ્તાનથી બલૂચિસ્તાનની સ્વતંત્રતાની માંગ કરે છે. BLA ની સ્થાપના 2000 ના દાયકાની શરૂઆતમાં થઈ હતી. તેનો ઉદ્દેશ્ય બલૂચ લોકોના અધિકારોનું રક્ષણ કરવાનો અને તેમને સ્વતંત્રતા અપાવવાનો છે. આ સંગઠન પાકિસ્તાન સરકાર અને સેના સામે સશસ્ત્ર સંઘર્ષ કરી રહ્યું છે.

પાકિસ્તાન સરકારે તેને આતંકવાદી સંગઠન જાહેર કર્યું...

બલુચિસ્તાન લિબરેશન આર્મી પાકિસ્તાનમાં અસંખ્ય આતંકવાદી હુમલાઓ અને લશ્કરી સંઘર્ષો માટે જાણીતી છે. તે ખાસ કરીને પાકિસ્તાનના સૈન્ય, સરકારી મથકો અને ચીની રોકાણ પ્રોજેક્ટ્સને નિશાન બનાવે છે. પાકિસ્તાન સરકારે BLA ને આતંકવાદી સંગઠન જાહેર કર્યું છે. આ ઉપરાંત અમેરિકા અને બ્રિટન સહિત ઘણા દેશોએ પણ તેને આતંકવાદી સંગઠન ગણાવ્યું છે.

BLA એ ટ્રેન હાઈજેક કરી...

તમને જણાવી દઈએ કે, બલૂચ લિબરેશન આર્મીએ પાકિસ્તાનના બલૂચિસ્તાન પ્રાંતમાં સ્થિત બોલાન જિલ્લામાં જાફર એક્સપ્રેસ ટ્રેન પર હુમલો કર્યો છે. આ હુમલા દરમિયાન, BLA લડવૈયાઓએ રેલ્વે ટ્રેક ઉડાવી દીધો, ટ્રેન રોકી દીધી. આ પછી, BLA લડવૈયાઓએ આખી ટ્રેન હાઇજેક કરી લીધી અને સેંકડો મુસાફરોને બંધક બનાવી લીધા. રેલ્વે અધિકારીઓનું કહેવું છે કે જાફર એક્સપ્રેસમાં 9 કોચ છે. ટ્રેનમાં 500 થી વધુ મુસાફરો છે. મંગળવારે સવારે 9 વાગ્યે ટ્રેન ક્વેટાથી રવાના થઈ.

BLA એ જવાબદારી લીધી...

બલુચિસ્તાન લિબરેશન આર્મીએ સમગ્ર ઘટનાની જવાબદારી લીધી છે અને તેને 'સુનિયોજિત વ્યૂહાત્મક કાર્યવાહી' ગણાવી છે. સંગઠનનું કહેવું છે કે, આ હુમલો બલૂચ લોકોના સ્વતંત્રતા સંઘર્ષનો એક ભાગ છે અને તેઓ તેમના લક્ષ્યો વિશે સંપૂર્ણપણે સ્પષ્ટ છે. BLA એ ચેતવણી આપી હતી કે જો પાકિસ્તાની સેના કોઈ લશ્કરી કાર્યવાહી કરશે તો તેને ગંભીર પરિણામો ભોગવવા પડશે. સંગઠને એમ પણ કહ્યું હતું કે કોઈપણ લશ્કરી હુમલાના કિસ્સામાં બધા બંધકોને મારી નાખવામાં આવશે, અને તેની જવાબદારી પાકિસ્તાન સરકાર અને સેનાની રહેશે.