વધુ એક ભારતીયને ટ્રમ્પે સોંપી મહત્વની જવાબદારી

અમેરિકાના ચૂંટાયેલા રાષ્ટ્રપતિ ડોનાલ્ડ ટ્રમ્પે મંગળવારે ભારતીય-અમેરિકન વકીલ હરમીત કૌર ધિલ્લોનને ન્યાય વિભાગમાં નાગરિક અધિકારો માટે સહાયક એટર્ની જનરલ તરીકે નામાંકિત કર્યા છે. ટ્રુથ સોશિયલ પર એક પોસ્ટમાં ટ્રમ્પે આની જાહેરાત કરી હતી.

ટ્રમ્પે કહ્યું, "હું હરમીત કૌર ધિલ્લોનને યુએસ ડિપાર્ટમેન્ટ ઓફ જસ્ટિસમાં નાગરિક અધિકાર માટે સહાયક એટર્ની જનરલ તરીકે નામાંકિત કરીને ખુશ છું. તેની સમગ્ર કારકિર્દી દરમિયાન, હરમીતે નાગરિક સ્વતંત્રતાના બચાવમાં સતત વાત કરી છે"

ટ્રમ્પે ચૂંટણીના અગ્રણી વકીલ તરીકે હરમીત ધિલ્લોનની પ્રશંસા કરી હતી. ચૂંટણી અખંડિતતા અને બંધારણીય અને નાગરિક અધિકારોનું રક્ષણ કરવા માટેના તેમના સમર્પણ માટે ઓળખાય છે. ચૂંટાયેલા પ્રમુખે કહ્યું, "હરમીત દેશના ટોચના ચૂંટણી વકીલોમાંની એક છે, જે તમામ કાયદાકીય મતોની ગણતરી થાય તે સુનિશ્ચિત કરવા લડે છે. તે ડાર્ટમાઉથ કોલેજ અને યુનિવર્સિટી ઓફ વર્જિનિયા લો સ્કૂલની સ્નાતક છે અને હરમી યુએસ ફોર્થ સર્કિટ કોર્ટ ઓફ અપીલ્સ, શીખ ધાર્મિક સમુદાયના આદરણીય સભ્ય છે.

ડોનાલ્ડ ટ્રમ્પે કહ્યું, "તેમની  ભૂમિકામાં, હરમીત અમારા બંધારણીય અધિકારોની અથાક રક્ષક હશે અને અમારા નાગરિક અધિકારો અને ચૂંટણી કાયદાઓનો નિષ્પક્ષ અને જોરશોરથી અમલ કરશે." ધિલ્લોનના નામની જાહેરાત સાથે ટ્રમ્પ 2.0 કેબિનેટમાં ભારતીય મૂળના લોકોની સંખ્યા વધીને ચાર થઈ ગઈ છે.

ધિલ્લોનનો જન્મ પંજાબના ચંદીગઢમાં થયો હતો અને તે બે વર્ષની ઉંમરે તેના માતા-પિતા સાથે યુનાઇટેડ સ્ટેટ્સ ગયા હતા. મીડિયા રિપોર્ટ્સ અનુસાર, ન્યૂયોર્ક સિટીમાં સ્થાયી થયા પહેલા તે ગ્રામીણ ઉત્તર કેરોલિનામાં એક શીખ પરિવારમાં ઉછર્યા હતા. ડાર્ટમાઉથ કૉલેજમાંથી ક્લાસિકલ લિટરેચરમાં તેમણે સ્નાતકની ડિગ્રી પ્રાપ્ત કર્યા પછી, તેણી કાયદાની ડિગ્રી મેળવવા માટે વર્જિનિયા યુનિવર્સિટીમાં ગયા હતા

તેમની શરૂઆતની કારકિર્દી દરમિયાન, તેમણે ફોર્થ સર્કિટ માટે યુ.એસ. કોર્ટ ઓફ અપીલ્સના ન્યાયાધીશ પૌલ વી. નિમેયર માટે અને ન્યાય વિભાગના સિવિલ ડિવિઝનના બંધારણીય ટોર્ટ્સ વિભાગમાં કામ કર્યું. ત્યારબાદ, તેમણે ગિબ્સન, ડન અને ક્રુચરની પ્રતિષ્ઠિત પેઢી માટે કામ કર્યું, જ્યાં તેમણે મુકદ્દમા અને બંધારણીય કાયદાનો નોંધપાત્ર અનુભવ મેળવ્યો. 2006 માં, તેમણે સાન ફ્રાન્સિસ્કોમાં પોતાની કાયદાની પ્રેક્ટિસ શરૂ કરી.

રિપબ્લિકન રાજકારણમાં જાણીતું નામ ધરાવતા ધિલ્લોન કેલિફોર્નિયા રિપબ્લિકન પાર્ટીના વાઇસ ચેર તરીકે સેવા આપી ચૂક્યા છે. તે રિપબ્લિકન નેશનલ કમિટી (RNC) ના સભ્ય રહી ચુક્યા છે. 2016 માં, તે ક્લેવલેન્ડમાં GOP સંમેલનમાં સ્ટેજ લેનારી પ્રથમ ભારતીય-અમેરિકન હતા.

—IANS