એર ન્યુઝીલેન્ડના વિમાનને બોમ્બની મળી ધમકી

સિડની: એર ન્યુઝીલેન્ડના પ્લેનમાં બોમ્બ હોવાની ધમકી મળી છે. સ્થાનિક મીડિયાએ જણાવ્યું કે શનિવારે સિડની એરપોર્ટ પર એર ન્યુઝીલેન્ડના વિમાનમાં બોમ્બ હોવાની જાણ થઈ હતી. આ વિમાનમાં લગભગ 140 મુસાફરો સવાર હતા.   માહિતી અનુસાર, વેલિંગ્ટનથી સિડની જઈ રહેલી એર ન્યૂઝીલેન્ડની ફ્લાઈટને બોમ્બની ધમકી મળી છે. માહિતી મળી તે સમયે વિમાનમાં 140 મુસાફરો સવાર હતા. રિપોર્ટમાં કહેવામાં આવ્યું છે કે બોમ્બની માહિતી મળ્યા બાદ પ્લેનને સુરક્ષિત રીતે લેન્ડ કરવામાં આવ્યું હતું.   વાસ્તવમાં, એર ન્યુઝીલેન્ડની ફ્લાઈટ NZ-247 સ્થાનિક સમય અનુસાર સાંજે લગભગ 5:40 વાગ્યે વેલિંગ્ટનથી ઉડાન ભરી હતી. બોમ્બની માહિતી મળ્યા બાદ, ટેકનિકલ ઓપરેશન યુનિટ, પેરામેડિક્સ અને ફાયર બ્રિગેડને તાત્કાલિક સ્થળ પર બોલાવવામાં આવ્યા હતા.   અહેવાલ મુજબ, એર ન્યુઝીલેન્ડે પુષ્ટિ કરી હતી કે વિમાન હવામાં હતું ત્યારે તેઓ સંભવિત સુરક્ષા જોખમથી વાકેફ હતા.   એરલાઇનના ચીફ ઓપરેશન્સ અને સિક્યુરિટી ઓફિસર કેપ્ટન ડેવિડ મોર્ગને એક નિવેદનમાં જણાવ્યું હતું કે, "અમે સ્થાનિક સત્તાવાળાઓ સાથે કામ કરી રહ્યા છીએ અને આવી ઘટનાઓ માટે સ્થાપિત માનક પ્રોટોકોલનું પાલન કરીએ છીએ."   --IANS