પૌંવા ખાવાનું બંધ કરો નહીં તો...!

સોશિયલ મીડિયા પર દરરોજ અનેક પ્રકારના વીડિયો વાયરલ થાય છે, પરંતુ કેટલાક એવા હોય છે જે તમારો મૂડ બગાડી દે છે અને ભૂખ સુદ્ધાં ઉડાડી દે છે. હાલમાં એક એવો જ વીડિયો ઝડપથી વાયરલ થઈ રહ્યો છે, જેમાં પૌંવા (પોહા)ના પેકિંગની એવી ગંદી રીત બતાવવામાં આવી છે કે જોઈને લોકોના પેટમાં ગભરાટ થઈ ગયો છે. આ વીડિયો જોયા બાદ ઘણા લોકોએ કહ્યું છે કે “આજથી પૌંવા ખાવાનું બંધ કરી દઈએ!”

 

વીડિયોમાં એક ખુલ્લા મેદાન કે ગોડાઉન જેવા સ્થળે મોટો ઢગલો પૌંવા નજરે પડે છે. બે વ્યક્તિ તેની બાજુમાં બેઠા છે. એક વ્યક્તિ પૌંવાને થેલીમાં ભરીને બીજા વ્યક્તિને આપે છે અને બીજો વ્યક્તિ તે જ પૌંવાના ઢગલા પર પગ ફેલાવીને બેસીને પેકેટનું વજન કરી રહ્યો છે. પેકેટ સીલ કરવા માટે પણ તે જ ઢગલાનો ઉપયોગ કરવામાં આવી રહ્યો છે. આખી પ્રક્રિયા એટલી અસ્વચ્છ અને ગંદી રીતે થઈ રહી છે કે જોઈને ઘૃણા થઈ જાય છે. પૌંવા પર બેસીને, પગ મૂકીને, તેના પર જ વજન કરીને પેકેટ ભરવાની આ રીત જોઈને લોકોના મનમાં એક જ સવાલ ઉભો થયો છે – “આપણે જે ખાઈએ છીએ તે ખરેખર સલામત છે કે નહીં?”

આ વીડિયો સૌથી પહેલા X (ટ્વિટર) પર પોસ્ટ કરવામાં આવ્યો હતો. પોસ્ટમાં કેપ્શન હતું – “આપણે પૌંવા ખાવાનું બંધ કરવું પડશે!” આ વીડિયોને હજારો લોકોએ જોયો અને તેના પર ભારે પ્રતિક્રિયાઓ આવી રહી છે. એક યુઝરે લખ્યું – “ખાવા માટે કંઈ બચ્યું જ નથી, પૌંવામાં તો નહાઈ રહ્યા છે આ લોકો!” બીજા યુઝરે કહ્યું – “આ લોકોએ બધી હદ વટાવી દીધી, આજથી પેકેટવાળા પૌંવા નહીં ખરીદું.” ત્રીજા યુઝરે FSSAI (ફૂડ સેફ્ટી એન્ડ સ્ટાન્ડર્ડ્સ ઓથોરિટી ઓફ ઈન્ડિયા)ને ટેગ કરીને લખ્યું – “FSSAI તમને પૈસા શેના માટે મળે છે? કંઈક તો કરો, આવી ગંદકી ચાલુ રહેશે તો લોકો બીમાર પડશે.”

આ વીડિયોની ચર્ચા એટલી તીવ્ર થઈ ગઈ છે કે લોકો પેકેટમાં મળતા તમામ ખાદ્ય પદાર્થોની ગુણવત્તા અને સ્વચ્છતા પર પ્રશ્ન ઉઠાવી રહ્યા છે. ઘણા લોકો કહી રહ્યા છે કે આજથી બજારના તૈયાર પૌંવા નહીં ખરીદે અને ઘરે જ બનાવશે. કેટલાકે તો આગળ વધીને કહ્યું છે કે “બહારનું ખાવાનું જોખમી બની ગયું છે, હવે ઘરનું જ ખાવું જોઈએ.”

આ વીડિયો જોતાં જ લોકોના મનમાં આરોગ્ય અને સ્વચ્છતા અંગે ચિંતા વધી ગઈ છે. હાલમાં આ વીડિયોને લઈને સોશિયલ મીડિયા પર ભારે ચર્ચા ચાલી રહી છે અને લોકો સરકારી એજન્સીઓ પાસે કડક કાર્યવાહીની માંગ કરી રહ્યા છે. FSSAI અને સ્થાનિક ફૂડ ઈન્સ્પેક્ટરો પાસે આવા ઉત્પાદનોની તપાસ અને કાર્યવાહીની અપેક્ષા વધી ગઈ છે. આવા વીડિયો જોઈને એક વાત તો સ્પષ્ટ થાય છે કે બહારના ખાદ્ય પદાર્થોની ગુણવત્તા અને સ્વચ્છતા પર ખૂબ જ ધ્યાન આપવાની જરૂર છે.