ભારતે સંરક્ષણ ક્ષેત્રે એક નવો અને મહત્વપૂર્ણ અધ્યાય લખ્યો છે. દેશમાં પ્રથમ વખત, રેલ લોન્ચર પર આધારિત મોબાઈલ લોન્ચર સિસ્ટમથી અગ્નિ પ્રાઈમ મિસાઈલનું સફળતાપૂર્વક પરીક્ષણ કરવામાં આવ્યું છે. આ ઐતિહાસિક સિદ્ધિનો અર્થ એ છે કે, હવે ભારતને મિસાઈલ લોન્ચ કરવા માટે શ્રીહરિકોટા જેવા સ્થિર લોન્ચિંગ પેડની જરૂર રહેશે નહિ. આ અગ્નિ પ્રાઇમ મિસાઈલને હવે ચાલતી ટ્રેનમાંથી દેશમાં ગમે ત્યાંથી લોન્ચ કરી શકાય છે, જે ભારતની સંરક્ષણ ક્ષમતામાં એક મોટો વધારો છે.
2,000 કિલોમીટર સુધીની રેન્જ
અગ્નિ પ્રાઈમ મિસાઈલ એ નવી પેઢીની આધુનિક મિસાઈલ છે, જે 2,000 કિલોમીટર સુધીની રેન્જ ધરાવે છે. તે અનેક અદ્યતન સુવિધાઓથી સજ્જ છે. આ સફળ પરીક્ષણ સાથે, ભારત હવે વિશ્વના એવા ગણતરીના દેશોમાં સામેલ થઈ ગયું છે જેમની પાસે મોબાઈલ રેલ નેટવર્કથી કેનિસ્ટરાઈઝ્ડ લોન્ચ સિસ્ટમ વિકસિત કરવાની ક્ષમતા છે. આ પ્રકારની મિસાઈલ સિસ્ટમ લશ્કરી વ્યૂહરચનામાં વધુ ગતિશીલતા અને ગોપનીયતા પૂરી પાડે છે.
<video style="display: table; margin-left: auto; margin-right: auto;" controls="controls" width="500" height="250">
<source src="https://ibp-benefits.s3.ap-south-1.amazonaws.com/prod/news/uploads/videos/1758795007573_2509_MISSILE_AV_MAYUR.mp4.mp4" type="video/mp4"></video>
સંરક્ષણ મંત્રી દ્વારા અભિનંદન
આ સફળતા બદલ સંરક્ષણ મંત્રી રાજનાથ સિંહે પણ સોશિયલ મીડિયા પ્લેટફોર્મ X પર DRDO, સ્ટ્રેટેજિક ફોર્સિસ કમાન્ડ (SFC) અને સશસ્ત્ર દળોને અભિનંદન પાઠવ્યા. તેમણે લખ્યું, 'મધ્યમ અંતરની અગ્નિ પ્રાઇમ મિસાઈલના સફળ ઉડાન પરિક્ષણ બદલ DRDO, સ્ટ્રેટેજિક ફોર્સિસ કમાન્ડ (SFC) અને સશસ્ત્ર દળોને અભિનંદન. આ સફળ ઉડાન પરીક્ષણે ભારતને એવા ગણતરીના દેશોમાં સમાવેશ કર્યો છે, જેની પાસે ચાલતા-ફરતા નેટવર્કથી કેનિસ્ટરાઈઝ્ડ લોન્ચ સિસ્ટમ વિકસિત કરવાની ક્ષમતા છે.'
આ પણ વાંચો: <a href="https://www.benefitnews24.com/gujarati/international/israel-iran-war-us-defence-base-targeted-cease-fire-missile-fired-on-israel/14716" target="_blank" rel="noopener">ટ્રમ્પે યુદ્ધવિરામની જાહેરાત કરી, ઈરાને મિસાઈલો છોડી</a>
અગ્નિ પ્રાઇમ મિસાઈલની વિશેષતા
અગ્નિ પ્રાઇમ મિસાઈલ તેની એડવાન્સ નેવિગેશન સિસ્ટમ સાથે દુશ્મનના સ્થળોને સચોટ રીતે નિશાન બનાવી શકે છે. આ મિસાઈલની સૌથી મોટી ખાસિયત એ છે કે, તે કોઈ પણ પૂર્વશરતો વિના રેલ નેટવર્ક પર સરળતાથી મુસાફરી કરી શકે છે. તેને ઓછી વિઝિબિલિટી સાથે અને ઓછા પ્રતિક્રિયા સમયમાં પણ લોન્ચ કરી શકાય છે. આ ઉપરાંત, મિસાઈલને એક ખાસ કેનિસ્ટરમાં સંગ્રહિત કરવામાં આવે છે, જે તેને વરસાદ, ધૂળ અને ગરમી જેવા બાહ્ય પરિબળોથી સુરક્ષિત રાખે છે. આ તમામ વિશેષતાઓ અગ્નિ પ્રાઈમ મિસાઈલને અત્યંત શક્તિશાળી અને વ્યૂહાત્મક રીતે મહત્વપૂર્ણ બનાવે છે.

અગ્નિ પ્રાઈમ મિસાઈલ

ભારતે પ્રથમ વખત રેલ લોન્ચર પરથી અગ્નિ-પ્રાઈમ મિસાઈલનું સફળતાપૂર્વક પરીક્ષણ કર્યું

September 25, 2025 | 21:10 IST