ભારતીય રેલવેએ મુસાફરોની સતત વધતી સંખ્યા અને સુવિધાને ધ્યાનમાં રાખીને 1 ફેબ્રુઆરીથી દેશભરમાં 20 નવી ટ્રેનો દોડાવવાનો નિર્ણય લીધો છે. આ પહેલ હેઠળ 10 રાજ્યોના 17 મહત્વના શહેરોને જોડવામાં આવ્યા છે. આ નવી સેવાઓ શરૂ થવાથી દિલ્હી, વારાણસી, અયોધ્યા અને સાબરમતી જેવા શહેરો વચ્ચે મુસાફરી કરતા પ્રવાસીઓને મોટી રાહત મળશે
વંદે ભારત અને અમૃત ભારત ટ્રેનોનો સમાવેશ નવી શરૂ થયેલી ટ્રેનોમાં હાઈ-સ્પીડ વંદે ભારત, સામાન્ય જનતા માટેની અમૃત ભારત અને કેટલીક સ્પેશિયલ પેસેન્જર ટ્રેનોનો સમાવેશ થાય છે. આ ટ્રેનો ગુજરાત, રાજસ્થાન, ઉત્તર પ્રદેશ, બિહાર, મહારાષ્ટ્ર અને ઓડિશા જેવા રાજ્યોને આવરી લેશે. પ્રવાસીઓ હવે IRCTCની સત્તાવાર વેબસાઈટ અને મોબાઈલ એપ પરથી આ ટ્રેનોનું બુકિંગ કરાવી શકશે.
મુખ્ય રૂટ અને ટ્રેનોની વિગતો :
સાબરમતી - જોધપુર વંદે ભારત: ગુજરાત અને રાજસ્થાન વચ્ચે મુસાફરી કરતા લોકો માટે આ ટ્રેનના સમયમાં ફેરફાર કરી તેને વધુ અનુકૂળ બનાવવામાં આવી છે.
રાજેન્દ્ર નગર - નવી દિલ્હી અમૃત ભારત: બિહારથી દિલ્હી જતા મુસાફરો માટે આ એક ઉત્તમ અને સસ્તો વિકલ્પ સાબિત થશે.
ધૂલે - વારાણસી/અયોધ્યા: મહારાષ્ટ્રથી ધાર્મિક સ્થળોની મુલાકાતે જતા શ્રદ્ધાળુઓ માટે આ સીધી ટ્રેન સેવા આશીર્વાદરૂપ બનશે.
પુરી - રાઉરકેલા વંદે ભારત: ઓડિશાના મુખ્ય શહેરો વચ્ચે ઝડપી કનેક્ટિવિટી માટે આ સેમી હાઈ-સ્પીડ ટ્રેન શરૂ કરાઈ છે.
કામાખ્યા - રોહતક અમૃત ભારત: પૂર્વોત્તર ભારતને હરિયાણા સાથે જોડવા માટે આ સાપ્તાહિક ટ્રેન ખૂબ જ ઉપયોગી રહેશે.
આ ઉપરાંત દિલ્હી-શામલી મેમૂ અને પીલીભીત-શાહજહાંપુર પેસેન્જર ટ્રેનો સ્થાનિક મુસાફરો માટે પરિવહન સરળ બનાવશે. રેલવેના આ પગલાથી લાંબા અંતરની મુસાફરી આરામદાયક અને ઝડપી બનશે

ભારતીય રેલવે નવી ટ્રેનો

મુસાફરોની સુવિધા માટે વંદે ભારત અને અમૃત ભારત સહિતની 20 ટ્રેનો પાટા પર દોડશે, બુકિંગ શરૂ

February 4, 2026 | 17:48 IST