ઉત્તર પ્રદેશના ગાઝીપુર જિલ્લાના બિરનો પોલીસ સ્ટેશન વિસ્તારમાં એક અનોખી પ્રેમકથાએ સૌનું ધ્યાન ખેંચ્યું છે. એક પ્રેમીએ દારૂના નશામાં 15 કિલોમીટર ચાલીને પોતાની પ્રેમિકાના ગામમાં પહોંચીને તેના ઘરનો દરવાજો ખખડાવ્યો. આ અનોખી ઘટના પછી, આખી રાત પંચાયત ચાલી અને આખરે બન્નેના લગ્ન કરાવીને તેમના પ્રેમને સ્વીકારવામાં આવ્યો. આ ઘટનાએ ગ્રામજનોને આશ્ચર્યમાં મૂકી દીધા અને આ પ્રેમ કહાણી હવે આખા ગામમાં ચર્ચાનો વિષય બની ગઈ છે.
છેલ્લા 4 વર્ષથી હતા પ્રેમમાં
આ ઘટના બુધવારે રાત્રે બની હતી. પ્રેમી, જે જંગીપુર પોલીસ સ્ટેશન વિસ્તારના દેવકઠિયા ગામનો રહેવાસી છે, અને પ્રેમિકા, જે બિરનો પોલીસ સ્ટેશન વિસ્તારના એક ગામની રહેવાસી છે, તેઓ છેલ્લા 4 વર્ષથી પ્રેમ સંબંધમાં હતા. યુવકે દારૂ પીધો અને અચાનક પોતાની પ્રેમિકાને મળવા માટે 15 કિલોમીટર પગપાળા ચાલી નીકળ્યો. અડધી રાત્રે તે પ્રેમિકાના ઘરે પહોંચ્યો અને દરવાજો ખખડાવવા લાગ્યો.
પરિવારના સભ્યોએ પોલીસ બોલાવી
દરવાજો ખખડાવવાનો અવાજ સાંભળીને યુવતીના પિતા બહાર આવ્યા. નશામાં ધૂત યુવકે તેમને ઓળખ્યા નહિ અને પૂછ્યું, તમે કોણ? અને પ્રેમિકાને બહાર મોકલવા કહે છે. યુવતીના પિતા તાજેતરમાં જ ગામ પાછા ફર્યા હતા, તેથી યુવક તેમને ઓળખી શક્યો ન હતો. આ પછી, યુવતીના પિતાએ પરિવારના સભ્યો અને ગ્રામજનોને બોલાવ્યા. આ મામલો ગંભીર બનતા, પરિવારના સભ્યોએ 112 નંબર પર કોલ કરીને પોલીસને બોલાવી.
યુવક ભાવુક થઈને રડી પડ્યો
આખી રાત ગામમાં પંચાયત ચાલી. પંચાયતમાં આખરે નિર્ણય લેવામાં આવ્યો કે, જો યુવક અને યુવતી બંને પુખ્ત વયના હોય અને લગ્ન કરવા માંગતા હોય, તો તેમના કાયદેસર લગ્ન કરાવી દેવા જોઈએ. ગુરુવારે સવારે, યુવતીના પરિવારે યુવકને ગાઝીપુર કોર્ટમાં લઈ જઈને તેમના રજિસ્ટર્ડ મેરેજ કરાવ્યા હતા. લગ્નના રજિસ્ટર પર સહી કરતી વખતે યુવક ભાવુક થઈને રડી પડ્યો, પરંતુ તેણે રડવાનું કારણ કોઈને જણાવ્યું નહિ.
પ્રેમ સામે પરિવારનો ઝુકાવ
પરિવારના સભ્યોએ જણાવ્યું કે, આવતા મહિને સંપૂર્ણ હિંદુ રીતિ-રિવાજ મુજબ તેમના લગ્ન કરાવવામાં આવશે અને ત્યારબાદ યુવતીને સાસરે મોકલવામાં આવશે. આ અનોખો પ્રેમ પ્રસંગ હવે સમગ્ર ગામમાં લોકકથાની જેમ સંભળાવવામાં આવી રહ્યો છે. આ કિસ્સો સાબિત કરે છે કે, કેટલીકવાર પ્રેમના જુસ્સાથી પરિવાર અને સમાજ પણ ઝુકી જાય છે, અને અંતે પ્રેમની જીત થાય છે. આ કિસ્સાએ સામાજિક માન્યતાઓને પડકારી અને એક સુખદ અંત આપ્યો.

પ્રેમ સામે પરિવારનો ઝુકાવ

નશામાં ધૂત પ્રેમી 15 કિમી ચાલીને પ્રેમિકાના ઘરે પહોંચ્યો, અંતે લગ્ન કરાવવામાં આવ્યા

September 5, 2025 | 15:53 IST