અમદાવાદ શહેરના સરખેજ વિસ્તારના ફતેવાડી કેનાલ રોડ પર આવેલા અહેમદી રો હાઉસમાં દોઢ વર્ષ પહેલાં દ્રશ્યમ ફિલ્મ જેવી જ એક સનસનીખેજ ઘટના બની હોવાનું સામે આવ્યું છે. મૃતક સમીર બિહારીની પત્ની રુબીએ તેના પ્રેમી ઈમરાન અને અન્ય લોકો સાથે મળીને તેના પતિની ક્રૂરતાપૂર્વક હત્યા કરી હતી. હત્યા બાદ, ગુનાનો ભેદ છુપાવવા માટે મૃતદેહને ઘરના રસોડામાં જ ઊંડા ખાડામાં દાટી દેવામાં આવી હતી.
દોઢ વર્ષ પહેલાં પતિ ગુમ થયો હતો
ફતેવાડીમાં રહેતા સમીર બિહારી દોઢ વર્ષ પહેલાં રહસ્યમય રીતે ગુમ થઈ ગયા હતા. તેમની પત્ની રુબીએ પોતે જ સરખેજ પોલીસ સ્ટેશનમાં પતિ ગુમ થયાની ફરિયાદ નોંધાવી હતી, જેથી કોઈને શંકા ન જાય. જોકે, દોઢેક વર્ષ પછી પણ સમીર બિહારીની કોઈ ભાળ મળી ન હતી, પરંતુ આ સમય દરમિયાન રુબી અને તેના નજીકમાં રહેતા ઈમરાન વચ્ચેનો સંબંધ વધતો ગયો હતો, જે પોલીસ માટે એક મહત્વનો સંકેત બન્યો.
<img style="display: block; margin-left: auto; margin-right: auto;" src="https://ibp-benefits.s3.ap-south-1.amazonaws.com/prod/news/uploads/images/1762333670791_WhatsApp%2520Image%25202025-11-05%2520at%252014.37.18_6dd3c756.jpg.jpg" alt="WhatsApp Image 2025-11-05 at 14.37.18_6dd3c756.jpg" width="500" height="552">
રસોડામાં દાટીને ઉપર સિમેન્ટનું ચણતર કર્યું
સ્થાનિકોની બાતમીના આધારે ક્રાઈમ બ્રાન્ચે રુબી અને ઈમરાન પર વોચ રાખી હતી. આ વોચમાં તેમનો પ્રેમસંબંધ હોવાનું જાણવા મળ્યું. પોલીસે બન્નેને શંકાના આધારે પકડીને ઊલટ તપાસ કરતાં આઘાતજનક સત્ય સામે આવ્યું. બન્નેએ કબૂલાત કરી કે, આશરે દોઢેક વર્ષ પહેલાં છરીના ઘા મારીને સમીર બિહારીની હત્યા કરવામાં આવી હતી. હત્યા પછી, મૃતદેહને રસોડામાં દાટી દેવામાં આવી હતી અને મૃતદેહ ઝડપથી ન ગળી જાય તે માટે જમીનમાં મીઠું સહિતની વસ્તુઓ નાખીને તેના પર સિમેન્ટનું પાકું ચણતર કરી ફ્લોરિંગ કરી દેવાયું હતું.
આ પણ વાંચો:<a href="https://www.benefitnews24.com/gujarati/crime/ahmedabad-birthday-celebration-expenses-paid-for-by-murder/21884" target="_blank" rel="noopener"> </a><a href="https://www.benefitnews24.com/gujarati/crime/ahmedabad-birthday-celebration-expenses-paid-for-by-murder/21884" target="_blank" rel="noopener">અમદાવાદ: હત્યા કરી ચુકવાયો જન્મદિવસની ઉજવણીનો ખર્ચ</a>
કંકાલ બહાર કઢાયું
આ કબૂલાત બાદ, પોલીસ ટીમે તાત્કાલિક કાર્યવાહી કરીને રુબીના જૂના ઘરનું રસોડું ખોદીને તપાસ કરી, જ્યાંથી સમીર બિહારીનું કંકાલ મળી આવ્યું હતું. આ ઘટના બાદ પત્ની રુબી લોકોને એવું બહાનું બતાવતી હતી કે, સમીર બિહારી કામ અર્થે બહાર ગયા છે અથવા દુબઈ ગયા છે, જેથી આટલા લાંબા સમય સુધી આ ક્રૂર હત્યાનો ભેદ છુપાયેલો રહ્યો હતો.
સમીર રુબી સાથે મારઝૂડ પણ કરતો
ક્રાઈમ બ્રાન્ચની તપાસમાં બહાર આવ્યું કે, રુબી અને ઈમરાન વચ્ચેના પ્રેમસંબંધના કારણે સમીર બિહારી અને રુબી વચ્ચે વારંવાર ઝઘડા થતા હતા. સમીર રુબી સાથે મારઝૂડ પણ કરતો હતો. આ જ પ્રેમપ્રકરણનો ભાંડો ફૂટતાં આખરે સમીર બિહારીની હત્યા કરવાનું ષડયંત્ર રચાયું હતું. ક્રાઈમ બ્રાન્ચે હાલ બન્ને આરોપીઓની વધુ પૂછપરછ હાથ ધરી છે.

પત્ની એ પ્રેમી સાથે મળીને પતિની હત્યા કરીને મૃતદેહને રસોડાના ફ્લોરિંગ નીચે દાટી દીધું

November 5, 2025 | 18:02 IST