PLANE CRASH : વડોદરાની સંસ્થા તૈયાર કરી રહી છે 120 કોફિન

હ્રદયને હચમચાવી દેનારી ઇન્ડિયન એરલાઇન્સના વિમાન ક્રેશની દૂર્ઘટનામાં લગભગ 270 નિર્દોષ જીવનો ભોગ લેવામાં આવ્યો છે. આ આઘાતજનક ઘટનાએ સમગ્ર ગુજરાત તેમજ દેશને શોકમાં ડૂબાડી દીધું છે.

વિમાન દુર્ઘટનાના શિકાર થયેલાં મૃતકોના પાર્થિવ દેહ પરિવારમાં સોંપવા માટે એર ઇન્ડિયા દ્વારા વડોદરાની એક સંસ્થાને 100 કોફીન બનાવવા માટે સુચના આપવામાં આવ્યો છે. સંસ્થાના અગ્રણિ એડવિનભાઈએ જણાવ્યું કે તેઓ અને તેમની ટીમે ગઈ રાત્રે સુધી જાગી રહેલી મહેનતથી 25 કોફીન તૈયાર કરી લીધાં છે. આજે બપોરે 3 વાગ્યે તેને અમદાવાદ મોકલવામાં આવશે અને બાકીનાં રાત સુધી મોકલાશે.

એડવિનભાઈએ વધુમાં જણાવ્યું હતું કે, "એક કોફીન તૈયાર કરવા માટે 2 થી 3 કલાક જેટલો સમય લાગી જાય છે. અમારી ટીમમાં કુલ 7થી 8 લોકો કાર્યરત છે. દુર્ઘટનામાં જે હાલત છે, એ જાણતી વખતે હૃદય ભયભીત થઈ જાય છે. મૃતકોના શરીરના અવશેષને સંભાળવા માટે ખાસ માપ અને લાકડાનો પસંદગી સાથે ઉપયોગ થાય છે."

દરેક કોફીનની અંદર પ્લાસ્ટિક બેગ મૂકી રહ્યા છે, જેથી મૃતદેહમાંથી નીકળતો પદાર્થ બહાર ન આવે અને અન્ય કોઈને નુકસાન ન થાય. એડવિનભાઈએ અંતે કહ્યું કે, "અમે આ કામ માનવતા માટે કરી રહ્યા છીએ. દુઃખદ ઘટનાને સહજ રીતે માણવી મુશ્કેલ છે, પણ કોઇને ના કોઇને તો આ ફરજ નિભાવવી જ પડે."

વિમાન દુર્ઘટના પછી રાજ્ય અને રાષ્ટ્રસ્તરે શોકની લાગણી છવાઈ ગઈ છે. વિવિધ રાજકીય નેતાઓએ પોતાનો શોક વ્યક્ત કર્યો છે અને શોકગ્રસ્ત પરિવારોને સહાનુભૂતિ દર્શાવી છે. દુર્ઘટનાની તપાસ ચાલે છે અને ભવિષ્યમાં આવા અકસ્માતો અટકાવવા માટે કડક પગલાં લેવાશે તેવો વિશ્વાસ વ્યક્ત થયો છે.

આ પણ વાંચો--- ભોગ બનેલા મેડિકલ વિદ્યાર્થીઓને મળશે મદદ.? ટાટા ગૃપે શું કહ્યું ?