આજે GSSSB અંતર્ગત CCE GROUP- B ની મુખ્ય પરીક્ષા

GSSSB CCE Group-B Exam : રાજ્યમાં અમદાવાદ, ગાંધીનગર સહિત વિવિધ જિલ્લામાં આજે રવિવારે (8 જૂન) ગુજરાત ગૌણ સેવા પસંદગી મંડળ અંતર્ગત વર્ગ-3ની CCE ગ્રુપ-Bની મુખ્ય પરીક્ષા યોજાઈ છે, ત્યારે રાજ્યભરમાંથી આજે 25 હજાર જેટલા ઉમેદવારો પરીક્ષા આપશે. ગ્રુપ-Aની મુખ્ય પરીક્ષા પૂર્ણ થયા બાદ મેરિટમાં આવનારા ઉમેદવારોની ગ્રુપ-Bની પરીક્ષા લેવામાં આવી છે. જેમાં 1 વાગ્યે ઉમેદવારોને બાયોમેટ્રિક કરીને પરીક્ષા કેન્દ્રમાં પ્રવેશ આપવામાં આવ્યો હતો. પેપર 3 વાગ્યે શરૂ થયું હતું.

આજે CCEની ગ્રુપ-Bની મુખ્ય પરીક્ષા

મળતી માહિતી મુજબ, સરકારી ભરતીમાં પાસ થવા માટે ઉમેદવારો ઘણા વર્ષોથી પરીક્ષાની તૈયારી કરતાં હોય છે, ત્યારે રાજ્યભરમાં આજે રવિવારે ગૌણ સેવા પસંદગી મંડળની પરીક્ષા છે. જેમાં 25 હજારથી વધુ ઉમેદવારો પરીક્ષા આપશે. જેમાં અમદાવાદના 53 કેન્દ્રો પર પરીક્ષાનું આયોજન છે. 

તમને જણાવી દઈએ કે, પ્રિલિમ પરીક્ષામાં 5.50 લાખ ઉમેદવારો નોંધાયા હતા. ગુજરાત ગૌણ સેવા પસંદગી મંડળ વર્ગ-3 ની CCE ગ્રુપ-Aની પરીક્ષાને લઈને ચાર અરજદારોએ આન્સર કીના 16 પ્રશ્નોને હાઇકોર્ટમાં ચેલેન્જ કર્યા હતા. જેમાં અરજદારોએ ગ્રુપ Bની મુખ્ય પરીક્ષા યોજવા પર સ્ટે મુકવાની માગ કરી હતી. જોકે,  હાઇકોર્ટ અરજદારની અરજી અંગે કન્વીન્સ ન થતા અરજી રદ કરવાનું વલણ અપનાવ્યું હતું.