અમદાવાદ પ્લેન ક્રેશઃ વડોદરાના 6 મુસાફરો પ્લેનમાં સવાર હોવાની વાત

વડોદરા શહેરના માંજલપુર વિસ્તારમાં આવેલ ધનલક્ષ્મી સોસાયટીમાં રહેતા કલ્પનાબેન પ્રજાપતિ લંડનમાં રહેતા તેમના દીકરાને મળવા માટે નિકળ્યા હતા. તેમના પતિ રાજેન્દ્ર ભાઈ અને નાનો પુત્ર અમદાવાદ એરપોર્ટ પરથી મૂકીને અમદાવાદ વડોદરા હાઈવે પર નડીયાદ પાસે પહોંચ્યા પછી પ્લેન ક્રેશની માહિતી મળી હતી.આ ઘટનાની જાણ થતાં તેઓ અમદાવાદ પરત ગયા હતા. તેમની સ્થિતિ અંગે પરિવારજનો પણ હાલ અજાણ છે. પરિવારજનો ચિંતામાં જોવા મળી રહ્યા  છે, વડોદરા થી તેમનો પરિવાર અને સંબંધીઓ અને મિત્રો અમદાવાદ પહોંચ્યા હોવાની વિગતો મળી છે.

વડોદરાના વાસણા રોડની શિવ શક્તિ સોસાયટીમાં રહેતા દંપત્તિ પણ આ ફ્લાઇટમાં સવાર હતા. વલ્લભ નાગજી અને તેમના પત્ની વિના બેન ફ્લાઇટમાં લંડન જતાં હતા વલ્લભ નાગજી અને તેમના પત્ની વિના બેન ફ્લાઇટમાં સીટ નંબર 16 અને 17 પર સવાર હતા. આ ઘટનાને પગલે પરિવાર તાત્કાલિક અમાદાવાદ આવવા રવાના થયા છે. આ સિવાય વડોદરાના તાંદલજા વિસ્તારની મહિલા એક પુરુષ અને 3 વર્ષની બાળકી પણ સવાર હતી. 

ગુજરાતના મુખ્યમંત્રી ભૂપેન્દ્ર પટેલે પણ અમદાવાદ વિમાન દુર્ઘટના પર દુઃખ વ્યક્ત કર્યું. તેમણે વધુમાં કહ્યું, "બચાવ ટીમો તૈનાત કરવામાં આવી છે અને તબીબી અને રાહત સહાય ઘટનાસ્થળે પહોંચે તે સુનિશ્ચિત કરવા માટે તમામ પ્રયાસો કરવામાં આવી રહ્યા છે. મારી સંવેદના અને પ્રાર્થના વિમાનમાં સવાર તમામ લોકો અને તેમના પરિવારો સાથે છે."