ગુજરાતની જીવાદોરી સમાન સરદાર સરોવર ડેમની જળ સપાટી 129 મીટર પહોંચી

ઉપરવાસના ડેમમાંથી છોડાયેલા પાણીની આવક થતાં ગુજરાતની જીવાદોરી સમાન સરદાર સરોવર ડેમની જળ સપાટી 129 મીટર પહોંચી છે.

ડેમમાં દર કલાકે 3.54 લાખ ક્યુસેક પાણીની આવક થઈ રહી છે. ડેમની જળ સપાટી 70 ટકા વોર્નિંગ સ્ટેજ સુધી પહોંચતા નર્મદા નદીમાં 28,464 ક્યુસેક પાણી છોડવામાં આવી રહ્યુ છે. 

સરદાર સરોવર ડેમની કુલ સંગ્રહશક્તિ 9,460 મિલિયન ક્યુબીક મીટર છે. ઉપરવાસના ડેમમાંથી પાણી છોડવામાં આવતાં સરદાર સરોવર ડેમમાં 3.54 લાખ ક્યુસેક પાણીની આવક થઈ રહી છે.

સરદાર સરોવર ડેમમાં 6,622 મિલિયલ ક્યુબીક મીટર જળ સંગ્રહ થયો છે. ડેમની કુલ ક્ષમતા 9,460 મિલિયલ ક્યુબીક મીટરની સંગ્રહ ક્ષમતા સામે 6,622 મિલિયન ક્યુબીક મીટર એટલે કે 70 ટકા પાણીનો સંગ્રહ થતા જળ સપાટી વોર્નિંગ સ્ટેજ પર પહોંચી છે.

તેથી સરદાર સરોવર ડેમમાં પાણીની સપાટીને વોર્નિંગ સ્ટેજથી ઘટાડવા માટે રીવર બેડ પાવર હાઉસના (RBPH) માધ્યમથી આશરે 28,464 ક્યુ સેક પાણી નર્મદા નદીમાં છોડવામાં આવી રહ્યું છે તેવું સરદાર સરોવર નિગમના સૂત્રોએ જણાવ્યુ છે.