સુરત : રેવ પાર્ટી કરતાં મહિલાઓ સહિત 7 લોકો ઝડપાયા

સુરતમાં દારુ-ડ્રગ્સની રેવ પાર્ટી પર વિજિલન્સે દરોડા પાડયા હોવાની વાત સામે આવી છે. એરપોર્ટની સામે આવેલા આશીર્વાદ ફાર્મમાં રેડ પાડવામાં આવી છે જેમાં પોલીસને ડ્રગ્સ અને દારૂની બોટલો મળી આવી છે.  ચાર મહિલાઓ સહિત સાતની પોલીસે ધરપકડ કરી.  સમગ્ર ઘટનામાં યુવતીઓ સુરતની છે કે બહારની છે તે દિશામાં પોલીસે તપાસ શરૂ કરી છે.

4 ગ્રામ એમડી ડ્રગ્સ અને 11 દારુની બોટલો મળી :

સુરતમાં એક ફાર્મ હાઉસમાં દારૂ અને ડ્રગ્સ પાર્ટીનું આયોજન કરાયું હતું. અને ભાવનગરના ચિરાગ માણીયાએ પાર્ટીનું આયોજન કર્યું હતું. પોલીસને આ બાબતે અગાઉથી જાણ થઈ હતી સ્ટેટ મોનિટરિંગ સેલે આ મામલે રેડ કરી હતી અને તપાસનો ધમધમાટ શરૂ કર્યો છે.  ડ્રગ્સ અને દારૂ આપનાર બે આરોપીઓ ફરાર છે. સ્ટેટ મોનિટરિંગ સેલ પોલીસ મથકે ફરિયાદ નોંધાઈ છે. અને પોલીસ આ મામલે તપાસ કરી રહી છે. ફાર્મ હાઉસનો માલિક કોણ છે તે અંગે પણ તપાસ ચાલી રહી છે.

દારૂ અને ડ્રગ્સ ની રેવ પાર્ટી પર વિજિલન્સના દરોડા :

સુરત એરપોર્ટની સામે આવેલા આશીર્વાદ ફાર્મમાં પોલીસે દારૂ અને ડ્રગ્સના દરોડા પર રેડ કરી હતી.  અને આ રેડમાં ચાર મહિલાઓ સહિત 7 પુરુષો ઝડપાયા હતા.  પોલીસને રેડ દરમિયાન 4 ગ્રામ 11 મિલિગ્રામ એમડી ડ્રગ્સ અને દારૂની ખાલી તથા ભરેલી 14 બોટલો મળી આવી છે.  ભાવનગરના ચિરાગ માણીયાએ કર્યું હતું પાર્ટીનું આયોજન, તો ફાર્મ હાઉસ ભાડે આપવામાં આવ્યું છે કે કોઈનું છે તે અંગે પોલીસ તપાસ શરૂ કરી છે.

સુરતમાં અવાર-નવાર ઝડપાય છે રેવ પાર્ટી :

સુરત શહેરમાં દારૂ અને ડ્રગ્સની જાણે કોઈ નવાઈ ના હોય તેવું લાગી રહ્યું છે.  સુરતમાં અવાર-નવાર દારૂ અને ડ્રગ્સની પાર્ટીઓ ઝડપાતી હોય છે. અગાઉ પણ સુરતમાં રેવ પાર્ટી ઝડપાઈ હતી જેમાં થાઈ ગર્લને બહારથી બોલાવવામાં આવી હતી અને દારૂ અને ડ્રગ્સ ઝડપાયું હતુ, તો આ ઝડપાયેલ પાર્ટીમાં પોલીસે તમામને મેડિકલ રીપોર્ટ માટે સરકારી હોસ્પિટલમાં મોકલ્યા છે.