દારૂ સાથે બુટલેગર નહિ પણ પોલીસ કોન્સ્ટેબલ ઝડપાયો, 4 લાખથી વધુનો મુદ્દામાલ જપ્ત

સાબરકાંઠા જિલ્લામાં પોલીસે દારૂ ભરેલી એક કાર ઝડપી પાડી છે, પરંતુ ચોંકાવનારો મુદ્દો એ છે કે કારમાં દારૂ લઈને જતો કોઈ બુટલેગર ન હતો, પણ પોલીસ કોન્સ્ટેબલ હતો. આ ઘટના ગાંભોઈ વિસ્તારમાં પેટ્રોલિંગ દરમિયાન બની હતી, જ્યાં ચિઠોડા પોલીસ મથકમાં ફરજ બજાવતો કોન્સ્ટેબલ સંજયભાઈ સોલંકી ઝડપાયો છે.

દારૂ ભરેલી કારમાં ઝડપાયો કોન્સ્ટેબલ

ગાંભોઈ પોલીસે વાવડી નજીક પેટ્રોલિંગ કરતી વખતે ભિલોડા તરફથી આવી રહેલી એક કાર ચેક કરી હતી. કારની તપાસ દરમિયાન ડિક્કીમાં દારૂ મળી આવ્યો હતો. સંજયભાઈ સોલંકી પ્રાંતિજ તાલુકાના મૌછા ગામના રહેવાસી છે અને હાલ ચિઠોડા પોલીસ મથકે ફરજ બજાવી રહ્યા છે.

મુદ્દામાલ અને તપાસ

પોલીસે લગભગ રૂપિયા 4 લાખથી વધુ કિંમતનો દારૂનો મુદ્દામાલ જપ્ત કર્યો છે. આ દારૂ કોન્સ્ટેબલ ક્યાંથી લાવ્યો અને ક્યા લઈ જતો હતો તેની વિસ્તૃત તપાસ હાથ ધરવામાં આવી છે. પોલીસે પ્રોહિબિશન હેઠળ ગુનો પણ નોંધ્યો છે.