સુરતના સિંગણપોર વિસ્તારમાં એક હચમચાવી દેનારી અકસ્માતની ઘટના સામે આવી છે. એક બેફામ ટેમ્પાચાલકે પોતાની બેદરકારીભરી ડ્રાઇવિંગને કારણે રસ્તામાં જતા નિર્દોષ લોકોને અડફેટે લીધા છે. આ સમગ્ર ઘટનાના CCTV ફૂટેજ પણ સામે આવ્યા છે.
CCTV ફૂટેજમાં ટેમ્પોચાલક ફ્રૂટની લારી લઈને જઈ રહેલી એક વૃદ્ધા અને તેમના પૌત્ર સહિત એક મહિલાચાલક અને અન્ય વાહનોને ટક્કર મારતો જોવા મળે છે.
વૃદ્ધા અને પૌત્રને જોરદાર ટક્કર :&nbsp;
પ્રાપ્ત માહિતી અનુસાર, બે દિવસ પહેલાં એક 55 વર્ષીય વૃદ્ધ મહિલા પોતાના 4 વર્ષના પૌત્રને ફ્રૂટની લારી પર બેસાડીને રસ્તો પસાર કરી રહ્યા હતા. તેઓ પોતાની આજીવિકા માટે ફ્રૂટ વેચવા જઈ રહ્યા હતા. તે દરમિયાન પૂરઝડપે સામેથી આવતા ટેમ્પો (GJ 05 BZ 9280) ચાલકે તેમને અને ફ્રૂટની લારીને જોરદાર ટક્કર મારી હતી.
ટક્કર એટલી જોરદાર હતી કે વૃદ્ધા હવામાં લગભગ 5 ફૂટ સુધી ફંગોળાઈને ફૂટપાથ પર પટકાયા હતા. તેમનો પૌત્ર પણ રસ્તા પર ફેંકાયો હતો. અકસ્માત બાદ ઇજાગ્રસ્ત હાલતમાં પણ વૃદ્ધા પોતાના પૌત્રને બચાવવા માટે દોડી જઈને તેને તેડી લેતા જોવા મળ્યા હતા.
ત્રણ વાહનોને 8 ફૂટ સુધી ઢસડ્યા :&nbsp;
વૃદ્ધાને અડફેટે લીધા બાદ બેફામ ટેમ્પાચાલકે આગળ આવતા ત્રણ વાહનચાલકોને પણ ટક્કર મારી હતી. જેમાં એક મહિલા મોપેડચાલક સહિત ત્રણેય વાહનોને ટેમ્પોચાલક 8 ફૂટ દૂર સુધી રસ્તા પર ઢસડે છે.
આ અકસ્માતમાં કુલ 5 લોકોને નાની મોટી ઇજા પહોંચી હતી. સદનસીબે, આ ગંભીર અકસ્માતમાં કોઈ જાનહાનિ થઈ નથી. ઇજાગ્રસ્તો પૈકી એક વ્યક્તિને ફ્રેક્ચર આવ્યું હોવાનું, જ્યારે બે વ્યક્તિઓને માથાના ભાગે ગંભીર ઈજાઓ પહોંચી હોવાનું જાણવા મળ્યું છે. વૃદ્ધા અને બાળકને સામાન્ય ઇજાઓ થઈ હતી. તમામ ઇજાગ્રસ્તોને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા છે.
&nbsp;

સિંગણપોર અકસ્માત

સિંગણપોરમાં હચમચાવતો અકસ્માત: વૃદ્ધા 5 ફૂટ ઉછળ્યા, 8 ફૂટ સુધી ઢસડાયા; CCTV ફૂટેજ વાયરલ

December 16, 2025 | 01:41 IST