<p>વડાપ્રધાન નરેન્દ્ર મોદીએ નવરાત્રીના પ્રથમ દિવસથી અમલમાં આવતા GST સુધારાના એક દિવસ પહેલાં રાષ્ટ્રજોગ સંબોધન કર્યું. તેમણે આ નિર્ણયને 'GST બચત ઉત્સવ' તરીકે ઓળખાવી જણાવ્યું કે આનાથી ગરીબ, મધ્યમ વર્ગ, યુવાનો, ખેડૂતો, મહિલાઓ અને વેપારીઓને લાભ થશે. આ સુધારા અંતર્ગત હવે માત્ર 5% અને 18% એમ બે જ GST સ્લેબ રહેશે, જેના કારણે અનેક વસ્તુઓ અને સેવાઓ સસ્તી થશે.</p>
<h3><strong>ડબલ ગિફ્ટ અને અઢી લાખ કરોડની બચતનો દાવો</strong></h3>
<p>PM મોદીએ કહ્યું કે, આ સુધારાથી ખાણીપીણી, દવાઓ, આરોગ્ય વીમો, ઘર માટેના ઇલેક્ટ્રોનિક્સ ઉપકરણો (જેમ કે ટીવી, ફ્રિજ) અને વાહનો (બાઈક, કાર) સસ્તા થશે. તેમણે ઉમેર્યું કે, પ્રવાસન પણ સસ્તું થશે, કારણ કે હોટલના રૂમના ભાડા પરનો GST ઘટાડવામાં આવ્યો છે. વડાપ્રધાને દાવો કર્યો કે આવકવેરામાં રાહત અને GST સુધારાઓને કારણે દેશના લોકોની કુલ <strong>અઢી લાખ કરોડ રૂપિયા</strong>ની બચત થશે.</p>
<p>ભારતમાં GST&nbsp; એ સૌથી મોટો ટેક્સ સિસ્ટમ છે, જે જુદા જુદા ટેક્સને એક જ માળખામાં લાવે છે. આટલી વિશાળ અને જટિલ સિસ્ટમમાં સુધારાઓ થવાથી કરોડો લોકોના જીવન પર સીધી અસર પડે છે.</p>
<h3><strong>આત્મનિર્ભર ભારત અને સ્વદેશીનો મંત્ર</strong></h3>
<p>PM મોદીએ આત્મનિર્ભર ભારત પર ભાર મૂકતા MSME ઉદ્યોગોને પણ ડબલ ફાયદા થશે તેવું જણાવ્યું. તેમણે દેશવાસીઓને અપીલ કરી કે ભારતની જરૂરિયાતની ચીજવસ્તુઓ ભારતમાં જ બનવી જોઈએ, અને તે ગુણવત્તામાં વિશ્વસ્તરીય હોવી જોઈએ. તેમણે 'મેડ ઈન ઈન્ડિયા' સામાન ખરીદવા પર ભાર મૂકતા કહ્યું કે, દેશની સમૃદ્ધિને સ્વદેશીના મંત્રથી જ શક્તિ મળશે. PMએ તમામ રાજ્ય સરકારોને પણ આત્મનિર્ભર ભારતના અભિયાનમાં જોડાઈને મેન્યુફેક્ચરિંગને વેગ આપવા અપીલ કરી.</p>

હવેથી GST ના માત્ર બે જ સ્લેબ

વડાપ્રધાને આ નિર્ણયને 'GST બચત ઉત્સવ' તરીકે ઓળખાવી, હવે માત્ર બે જ સ્લેબ રહેશે

September 22, 2025 | 01:19 IST