વિમાન દુર્ઘટનાનો છઠ્ઠો દિવસ, 132 મૃતકના DNA થયા મેચ, 97 મૃતદેહો સોંપાયા

અમદાવાદમાં થયેલી વિમાન દુર્ઘટનાનો આજે છઠ્ઠો દિવસ થઈ ચૂક્યો છે. અત્યારસુધીમાં મૃતકોના DNA ટેસ્ટમાં મહત્વપૂર્ણ પ્રગતિ થઈ છે. મંગળવારે સવારે 9:07 વાગ્યા સુધીમાં કુલ 132 મૃતકોના DNA સેમ્પલ મેચ થઈ ચૂક્યા છે, જેમાંથી 97 મૃતદેહો તેમના પરિવારજનોને સોંપી દેવાયા છે. બાકીના મૃતદેહોની ઓળખ માટે કામગીરી ચાલુ છે.

તંત્રના જણાવ્યા મુજબ, 11 મૃતદેહો એવા છે જેમના પરિવારના એકથી વધુ સભ્યો મૃત્યુ પામ્યા છે. આવા કેસમાં પરિવારજનો બધા રિપોર્ટ બાદ મૃદદેહ સ્વીકારશે. નોંધનીય છે કે, સોમવારે પૂર્વ મુખ્યમંત્રી વિજય રૂપાણીના પાર્થિવદેહને તેમના પરિવારજનોને સોંપીને અંતિમવિધિ કરવામાં આવી હતી.

સોમવારથી અવિરત વરસી રહેલા વરસાદની વચ્ચે પણ મૃત્યુ પામેલા લોકોના પરિવારજનો સવારથી સિવિલ હોસ્પિટલમાં પહોંચ્યા હતા. તેમ છતાં તંત્રએ અપીલ કરી છે કે, જ્યાર સુધી હોસ્પિટલ તરફથી ફોન ન આવે ત્યાં સુધી મૃદદેહ લેવા નહીં આવે, કારણ કે હજુ પણ ઘણા DNA ટેસ્ટ પેન્ડિંગ છે.