Ahmedabad: રેલ્વે સ્ટેશન પાસે ઓરિસ્સાના બે શખ્સો ગાંજો વેચતા ઝડપાયા..

ગુજરાતમાં ધોરી માર્ગો ઉપર પોલીસનો ધોંસ વધતા હવે નશાના કારોબાર કરનારા શખ્સો માદક પદાર્થના જથ્થાની રેલ્વેમાં હેરાફેરી કરી રહ્યા છે.કાલુપુર રેલવે પોલીસે કાંકરિયા યાર્ડ પાસે ટ્રેનમાંથી ઓરિસ્સાના બે શખ્સો પાસે રૂપિયા ૧.૭૩ લાખના ગાંજાના જથ્થા સાથે પકડી પાડયા હતા.આ બનાવ અંગે કાલુપુર રેલવે પોલીસે ઓરિસ્સાના ત્રણ શખ્સો સામે ગુનો નોંધીને બે આરોપીની ધરપકડ કરી ફરાર આરોપીની શોધખોળ હાથ ધરવાની કાર્યવાહી શરુ કરી છે.

નડિયાદથી મણિનગર વચ્ચે ટ્રેનમાં અજાણી વ્યક્તિ ગાંજાનો જથ્થો લેવા આવાવાનો હતો પરંતુ સિગ્નન ન મળતાં ટ્રેન રોકાઇ અને  કાંકરિયા રેલવે યાર્ડ પાસે ટ્રેનમાંથી ઊતરતી વખતે શખ્સ ઝડપાયો હતો. 
 
કાલુપુર રેલ્વે પોલીસમાં સ્ટેશનમાં ફરજ બજાવતા હેડ કોન્સ્ટેબલ હાર્દિકભાઈએ કાલુપુર રેલ્વે પોલીસમાં ઓરિસ્સાના વતની સુરેશ તથા ચિતરંજ અને પપ્પુ સામે ફરિયાદ નોંધાવી છે. ગઈકાલે સાંજે તેઓ ગોમતીપુરથી કાંકરિયા યાર્ડ વિસ્તારમાં પેટ્રોલીગ કરી રહ્યા હતા.તે સમયે પૂરી અમદાવાદ ટ્રેન આવી હતી.અને સિગ્નલ ન મળ્યું હોવાથી ટ્રેન ઊભી રહી હતી. આ સમયે બે પેસેન્જર કોલેજિયન બેગ સાથે ઉતર્યા હતા. પોલીસને શંકા જતાં બેગની તપાસ લેતા તેમાંથી વનસ્પતિ જન્ય રૂપિયા ૧.૭૩ની કિમતનો ગાંજો અને ૧૭.૩૫૦ કિ.ગ્રામ જથ્થો મળી આવ્યો હતો. 
 

પોલીસ પૂછપરછમાં બે આરોપીઓને ઓરિસ્સાના પપ્પુએ આપ્યો હતો.અને આ જથ્થો નડિયાદથી અમદાવાદ વચ્ચે કોઈક અજાણી વ્યક્તિ લેવા આવવાની હતી અને બંને યુવકોને મેહનત પેટે રૂપિયા ૩૦૦૦ મળવાના હતા. આ ઘટના અંગે કાલુપુર રેલવે પોલીસે ઓરિસ્સાના ત્રણ શખ્સો સામે ગુનો નોંધીને બે આરોપીની ધરપકડ કરી ફરાર આરોપીની શોધખોળ હાથ ધરવાની કાર્યવાહી શરુ કરી છે.