Jamnagar: સમર્પણ સર્કલ પાસે બાઈક ચોરીનું પ્રમાણ વધ્યું!

જામનગરમાં સમર્પણ સર્કલ નજીકના વિસ્તારમાં 10મી જૂનએ અને 13મી જૂને  જુદા જુદા ત્રણ બાઈક ચોરી થઈ ગયાની ફરિયાદ પોલીસ સ્ટેશનમાં નોંધાઈ  હતી. 

જામનગરમાં તિરુપતિ પાર્ક સોસાયટીમાં રહેતા શૈલેષભાઈ અશોકભાઈ નામના 43 વર્ષના યુવાને ગત 10મી તારીખે સમર્પણ સર્કલ પાસે પાર્ક કરેલું પોતાનું બાઈક કોઈ તસ્કરો ચોરી કરી લઈ ગયાની ફરિયાદ સીટી સી.ડિવિઝન પોલીસ મથકમાં નોંધાવી હતી. 

આ ઉપરાંત નવાગામ ઘેડમાં રહેતા ક્રિશ જયેશભાઈ વરીયા પ્રજાપતિ નામના યુવાને સમર્પણ સર્કલ પાસે ગત 13મી તારીખે પાર્ક કરેલું પોતાનું બાઈક કોઈ તસ્કરો ચોરી કરી લઈ ગયાની ફરિયાદ નોંધાવી છે.જ્યારે હાર્દિક શૈલેષભાઈ ચોવટીયા નામના પટેલ યુવાને પણ તે જ દિવસે પોતાન જ બાઈક ચોરી થઈ ગયું હોવાની ફરિયાદ નોંધાવી છે.જે મામલે સીટી સી.ડિવિઝનના પોલીસ સ્ટાફે વધુ તપાસ હાથ ધરી છે. અવાર નવાર આવી ચોરીની ઘટના વધારે પ્રમાણ વધી રહી છે. તેથી સ્થાનિક લોકોએ ચોરીનું પ્રમાણ વધી ગયું હોવાથી ત્યાંનાં લોકોએ પોલીસને ઝડપથી ચોરને પકડવાનું અને કડકમાંથી કડક સજા આપવાની ત્યાંનાં સ્થાનિક લોકોએ માંગ કરી છે.