PSI અને PIની બદલી પ્રક્રિયા પારદર્શક બનાવવા ગોઠવણ પર ગૃહ વિભાગની રોક

ગુજરાતમાં પાંચ વર્ષ સુધી એક જ ઝોનના જિલ્લાઓમાં ફરજ બજાવનાર પીએસઆઈ કે પીઆઈની તે ઝોનના જિલ્લાઓમાં કે નજીકના જિલ્લાઓમાં બદલી કરી શકાશે નહીં.

ગૃહ વિભાગે મહત્વનો નિર્ણય કરીને પાંચ વર્ષના સમયગાળાની ગણતરી કરવા માટે એકમો ઉપરાંત બ્રાન્ચોની નિમણૂકને ધ્યાને લેવા સ્પષ્ટ નિર્દેશ કર્યો છે.

ગુજરાત પોલીસમાં ફરજ બજાવતા બિન હથિયારી પોલીસ સબ ઇન્સ્પેક્ટર તેમજ બિન હથિયારી પોલીસ ઇન્સ્પેક્ટરની બદલીની પ્રક્રિયામાં પારદર્શકતા લાવવા અને તમામ અધિકારીઓને રાજ્યના અલગ અલગ ક્ષેત્રોમાં ફરજ બજાવવાની તક મળે તે હેતુથી મુખ્યમંત્રી, ગૃહ રાજ્યમંત્રી અને પોલીસ મહાનિદેશક અને મુખ્ય પોલીસ અધિકારી સાથેની મીટીંગમાં મહત્વપૂર્ણ નિર્ણય કરવામાં આવ્યો છે.

હવે પાંચ વર્ષ સુધી એક જ ઝોનમાં નોકરી કરનાર પીએસઆઇ કે પીઆઇને તે ઝોનના જિલ્લાઓમાં કે નજીકના જિલ્લાઓમાં બદલી કરી શકાશે નહિ.

જે બિન હથિયારી પીએસઆઇ કે પી.આઇએ એક જ ઝોનમાં પાંચ વર્ષ સળંગ અથવા તૂટક તૂટક નોકરી કરી હોય તો તેમની બદલી ક્યાં જિલ્લાઓ કે એકમોમાં કરી શકાશે નહીં તેનો મહત્વપૂર્ણ નિર્ણય લેવામાં આવ્યો છે.

 

પાંચ વર્ષના સમયગાળાની ગણતરી કરવા માટે એકમો ઉપરાંત બ્રાન્ચોની નિમણૂક પણ ધ્યાને લેવા સ્પષ્ટપણે નિર્દેશ કરવામાં આવ્યો છે. આ નિર્ણયના કારણે પીએસઆઇ અને પીઆઇની બદલી પ્રક્રિયા વધુ પારદર્શક બનવાનો તેમજ તમામ પોલીસ અધિકારીઓને રાજ્યના વિવિધ ક્ષેત્રોમાં ફરજ બજાવવાની તક મળવાનો ગૃહ વિભાગે દાવો કર્યો છે.  

 

આ નિયમોમાં અમુક કિસ્સા જેમ કે પતિ-પત્ની કેસ, ગંભીર બિમારી અને નિવૃતિ નજીકનો સમયગાળો હોય તો કેસના મેરીટ અન્વયે વિચારણા કરી શકાશે.

 

હાલની ફરજ

આ જિલ્લામા બદલી થઇ શકે નહી

સુરત રેન્જ અને સુરત શહેર

વડોદરા રેન્જ, વડોદરા શહેર, અમદાવાદ રેન્જ, અમદાવાદ શહેર, સુરત રેન્જ, સુરત શહેર.

વડોદરા રેન્જ અને વડોદરા શહેર

સુરત રેન્જ, સુરત શહેર, અમદાવાદ રેન્જ, અમદાવાદ શહેર, વડોદરા રેન્જ, વડોદરા શહેર, પંચમહાલ રેન્જ 

અમદાવાદ રેન્જ અને અમદાવાદ શહેર

વડોદરા રેન્જ, વડોદરા શહેર, ગાંધીનગર રેન્જ, પંચમહાલ રેન્જ, અમદાવાદ રેન્જ અને અમદાવાદ શહેર,

ગાંધીનગર રેન્જ

અમદાવાદ રેન્જ, અમદાવાદ શહેર, પંચમહાલ રેન્જ, ગાંધીનગર રેન્જ

પંચમહાલ રેન્જ

વડોદરા રેન્જ, વડોદરા શહેર, અમદાવાદ રેન્જ, અમદાવાદ શહેર, ગાંધીનગર રેન્જ, પંચમહાલ રેન્જ

ભાવનગર રેન્જ

 

જુનાગઢ રેન્જ, રાજકોટ રેન્જ, રાજકોટ શહેર, ભાવનગર રેન્જ

રાજકોટ રેન્જ અને રાજકોટ શહેર

ભાવનગર રેન્જ, જુનાગઢ રેન્જ, ભાવનગર રેન્જ, રાજકોટ રેન્જ અને રાજકોટ શહેર, બોર્ડર રેન્જ

જૂનાગઢ રેન્જ

ભાવનગર રેન્જ, રાજકોટ રેન્જ, રાજકોટ શહેર, જૂનાગઢ રેન્જ

બોર્ડર રેન્જ

રાજકોટ રેન્જ, રાજકોટ શહેર, ગાંધીનગર રેન્જ, બોર્ડર રેન્જ