ગુજરાત દેશમાં ત્રીજા ક્રમે, 1.20 લાખ સાયબર ફ્રોડના કેસ નોંધાયા, રૂપિયા 156 કરોડ ગુમાવ્યા

ટેક્નોલોજી યુગમાં લોકોને દરરોજ ફ્રોડ કે સ્પામ કૉલ્સનો સામનો કરવો પડે છે. ટ્રાફિકમાં હોવા, ઓફિસના કામ દરમિયાન કે પરિવાર સાથે સમયે આવી ધમધમતા કૉલ્સ સમય અને શાંતિ બન્ને હડપ કરી જાય છે. એવા લગભગ અમુક જ કોઈ લોકો હશે જેમને ક્યારેય ફ્રોડ કૉલ્સ આવ્યા જ ન હોય.

2024-25ના તાજેતરના આંકડા મુજબ, ગુજરાતમાં અન્ય રાજ્યોની સરખામણીમાં સૌથી વધુ સ્પામ અને સાયબર ફ્રોડ કોલ્સ નોંધાયા છે. સરેરાશ, રોજનું ગણતાં દર ગુજરાતીને 0.6થી 1 ફ્રોડ કોલ આવે છે અને 3 જેટલા સ્પામ કૉલ્સ મળતાં હોય છે. સ્પામ કૉલ્સથી લોકો ફસાતા નથી, પણ તેમનો કિંમતી સમય વ્યર્થ જાય છે.

ગુજરાતીઓએ 156 કરોડ રૂપિયા ગુમાવ્યા

2016માં દર મહિને ગુજરાતમાં 40 મિલિયન (4 કરોડ) જેટલા કોલ્સ આવતા હતા. જેનું અઠવાડિયાકીય સરેરાશ 1.1 મિલિયન એટલે કે 10 લાખથી વધુ છે. 2023-24 દરમિયાન ફક્ત બેંકિંગ ફ્રોડના જ 1349 કેસ નોંધાયા છે, જે 2022 કરતા 247 કેસ વધુ છે. મહત્વનું એ છે કે, રિકવરી અને ફ્રોઝન ફંડમાં ગુજરાત દેશભરમાં પ્રથમ સ્થાને છે. છતાં, 2023માં ગુજરાતના નાગરિકોએ કુલ રૂપિયા 156 કરોડ સાયબર ફ્રોડમાં ગુમાવ્યા છે.

ફાઈનાન્સિયલ ફ્રોડમાં ત્રીજું સ્થાન

2024ના ડેટા મુજબ, ગુજરાતમાં કુલ 1.2 લાખ ફાઈનાન્સિયલ ફ્રોડના કેસ નોંધાયા છે. દેશમાં સૌથી વધુ ફ્રોડના કેસ ઉત્તર પ્રદેશમાં (2 લાખ) છે, ત્યારબાદ મહારાષ્ટ્ર (1.3 લાખ), અને પછી ગુજરાતનો નંબર આવે છે. રાજસ્થાન (78,000) અને હરિયાણા (76,000) ગુજરાતની નીચેના ક્રમમાં છે. કારણ એ છે કે, ગુજરાત એક આર્થિક રીતે સુસજ્જ રાજ્ય છે, તેથી ફ્રોડસ્ટર્સ માટે વધુ લક્ષ્યરૂપ બને છે. રિપોર્ટ મુજબ ગુજરાતમાં સ્કેમ કૉલ્સનું પ્રમાણ રાષ્ટ્રીય સરેરાશ કરતા 15થી 20% વધુ છે.